சிறிய நகரங்களில் ‘பைக்’ விற்பனை ஹார்லி டேவிட்சன் நிறுவனம் திட்டம்
பனாஜி : இந்தியாவில், சூப்பர் பைக்குகள் சந்தையில், 60 சதவீத பங்களிப்பை கொண்டுள்ள, ஹார்லி டேவிட்சன் நிறுவனம், அதன் வாகன விற்பனையை, சிறிய நகரங்களுக்கு விரிவுபடுத்த திட்டமிட்டுள்ளது. இது குறித்து, இந்நிறுவனத்தின் மார்க்கெட்டிங் பிரிவின் இயக்குனர் பல்லவி சிங் கூறியதாவது:நிறுவனத்தின் மோட்டார் சைக்கிள்களுக்கு, ஏற்கனவே, பெரிய நகரங்களில் நல்ல வரவேற்பு கிடைத்துள்ளது. இதையடுத்து, வாகன விற்பனையை, சிறிய நகரங்களுக்கும் விரிவுபடுத்த திட்டமிட்டு உள்ளோம். நிறுவனத்திற்கு, நாடு முழுவதும், 26 முகவர்கள் உள்ளனர். இந்த எண்ணிக்கையை அதிகரிக்க முடிவு செய்துள்ளோம். வரும் நிதியாண்டில், சிறிய நகரங்களுக்கு விற்பனையை விரிவாக்கம் செய்வதன் மூலம், முழு திறமையை வெளிப்படுத்தி, வளர்ச்சியை தக்க வைத்துக் கொள்ள நடவடிக்கை எடுக்கப்படும்.வாடிக்கையாளர்களுக்கு, பாதுகாப்பான பயணத்தை வழங்குவதே, எங்களுடைய ஒரே குறிக்கோளாகும். இவ்வாறு அவர் கூறினார்.நாடு முழுவதும், 2016ல், இந்நிறுவனம், 4,241 சூப்பர் மோட்டார் சைக்கிள்களை விற்பனை செய்துள்ளது குறிப்பிடத்தக்கது.