தாறுமாறாக உயரும் தங்கம் விலை.. சவரனுக்கு ரூ.84 ஆயிரமாக அதிகரிப்பு.. அதிர்ச்சியில் இல்லத்தரசிகள்

சென்னை, சென்னையில் கடந்த ஆண்டு இறுதியில் ஒரு சவரன் தங்கம் ரூ.59 ஆயிரத்துக்கு விற்கப்பட்டது. அதன் பின்னர் தங்கம் விலை தாறுமாறாக ஏறியது. வரலாறு காணாத வகையில் கடந்த 9 மாதங்களில் சவரனுக்கு ரூ.21 ஆயிரம் அதிகரித்து, கடந்த 6-ந்தேதி அன்று ஒரு சவரன் தங்கம் ரூ.80 ஆயிரத்தை கடந்து புதிய உச்சத்தை தொட்டது. தங்கம் விலை விரைவில் ஒரு சவரன் ரூ.1 லட்சத்தை தொட்டு விடக் கூடும் என்று வியாபாரிகள் கருதி வரும் வேளையில், அதற்கு ஏற்ப தங்கம் விலை தொடர்ந்து ஏறுமுகத்தில் இருந்து வருகிறது. நேற்று ஒரே நாளில் கிராமுக்கு ரூ.140-ம், சவரனுக்கு ரூ.1,120-ம் விலை அதிகரித்து, ஒரு கிராம் தங்கம் ரூ.10 ஆயிரத்து 430-ம், சவரன் ரூ.83 ஆயிரத்து 440-க்கும் விற்பனை செய்யப்பட்டது. தங்கம் விலைஇந்நிலையில் இன்றும் தங்கம் விலை அதிகரித்து வரலாறு காணாத உச்சத்தை எட்டியுள்ளது. இதன்படி தங்கம் விலை கிராமுக்கு ரூ.70-ம், சவரனுக்கு ரூ.560-ம் விலை அதிகரித்து, ஒரு கிராம் தங்கம் ரூ.10 ஆயிரத்து 500-ம், ஒரு சவரன் ரூ.84 ஆயிரத்திற்கும் விற்பனையாகிறது. தங்கம் விலை தினம், தினம் உச்சத்தை தொட்டு வருவது குறிப்பிடத்தக்கது. தங்கம் விலை கிடுகிடுவென உயர்ந்து வருவது இல்லத்தரசிகளை அதிர்ச்சி அடைய செய்துள்ளது.வெள்ளி விலையும் ஏறுமுகம் தங்கம் விலையை போன்று வெள்ளி விலையும் வரலாறு காணாத வகையில் உயர்ந்துள்ளது. தொடர்ந்து ஏறுமுகத்தில் இருந்து வருகிறது. இன்று வெள்ளி கிராமுக்கு ரூ.1-ம், கிலோவுக்கு ஆயிரமும் அதிகரித்து, ஒரு கிராம் ரூ.149-க்கும், ஒரு கிலோ ரூ.1 லட்சத்து 49 ஆயிரத்திற்கும் விற்பனையாகிறது. கடந்த 5 நாட்களில் தங்கம் விலை நிலவரம்:- 23.09.2025 ஒரு சவரன் ரூ.84,000 (இன்று) 22.09.2025 ஒரு சவரன் ரூ.83,440 (நேற்று) 21.09.2025 ஒரு சவரன் ரூ.82,320 20.09.2025 ஒரு சவரன் ரூ.82,320 19.09.2025 ஒரு சவரன் ரூ.81,840 18.09.2025 ஒரு சவரன் ரூ.81,760