சிவாஜியின் மகன் சாம்பாஜி வாழ்க்கை சினிமா ஆகிறது

சரித்திர புருஷர்களின் வாழ்க்கையை படமாக்குவது ஒரு மினிமம் கியாரண்டி என்கிற டிரண்டிங் இப்போது உள்ளது. அந்த வரிசையில் ஏற்கெனவே வடமாநிலத்தில் ஜான்சி ராணி, அக்பர், பிரித்விராஜ் உள்ளிட்ட பலரது வாழ்க்கை படங்கள் வந்துள்ளன. சத்ரபதி சிவாஜியின் வாழ்க்கையும் சினிமா ஆகியுள்ளது. இந்த நிலையில் சிவாஜி நிறுவிய இந்து சாம்ராஜ்யத்தை கட்டிக்காப்பாற்றிய அவரது மகன் சாம்பாஜியின் வாழ்க்கையும் சினிமா ஆகிறது.

சாம்பாஜியின் வீரம், தியாகம், போர் தந்திரம் போன்ற விஷயங்களும், மனைவியுடன் அவருக்கு இருந்த காதலும் படத்தில் இடம்பெறுகிறது. சாம்பாஜி மகாராஜா கதாபாத்திரத்தில் விக்கி கவுசல் நடிக்கிறார். நாயகியாக ராஷ்மிகா மந்தனா நடிக்கிறார். சாம்பாஜி மகாராஜாவாக நடிக்கும் விக்கி கவுசல் தோற்றம் தற்போது வலைத்தளத்தில் வெளியாகி வைரலாகி உள்ளது.