ஹாலிவுட்டில் ரீ ரிலீசாகிறது 'இன்டர்ஸ்டெல்லர்'

தமிழ் சினிமாவில் ரீ ரிலீஸ் டிரண்ட் இப்போது தொடங்கினாலும் ஹாலிவுட்டில் பல ஆண்டுகளாக இருக்கிறது. இந்த நிலையில், கிறிஸ்டோபர் நோலனின் 'இன்டர்ஸ்டெல்லர்' படம் வெளியாகி 10 ஆண்டுகள் ஆனதை நினைவுகூறும் வகையில் வருகிற, செப்டம்பர் மாதம் 27ம் தேதி படம் மீண்டும் திரையரங்குகளில் ரீ-ரிலீஸ் செய்யப்பட உள்ளதாக பாராமவுன்ட் நிறுவனம் அறிவித்துள்ளது.

2014ம் ஆண்டு வெளியான இந்த படத்தில் மேத்யூவ் மெக்கானாகே, அன்னி ஹாத்வே, ஜெஸிகா சாஸ்டைன், பில் இர்வின் உட்பட பலர் நடித்திருந்தனர். பூமி, மனிதர்கள் வாழத் தகுதியற்ற நிலைக்கு ஆளாகிவிட, புதிய கிரகத்தைத் தேடிப் போகும் சாகச விண்வெளிப் பயணம்தான் இந்தப் படத்தின் கதை. நம்பமுடியாத கதையாக இருந்தாலும் அதை நம்பும்படியாக இயக்கி இருந்தார் கிறிஸ்டோபர் நோலன். சயின்ஸ் பிக்சன் படங்களில் முதல் 5 இடத்திற்குள் இந்த படம் வந்தது. புதிய மெருகூட்டலுடன் படம் வெளியாவதாக தெரிகிறது.