மே 1ம் தேதி ரீ ரிலீஸாகும் தீனா படம்!

கடந்த 2001ல் முதல் முறையாக ஏ.ஆர். முருகதாஸ் இயக்கத்தில் வெளிவந்த படம் 'தீனா'. அஜித் குமார், லைலா, சுரேஷ் கோபி ஆகியோர் இணைந்து நடித்திருந்தனர். யுவன் சங்கர் ராஜா இப்படத்திற்கு இசையமைத்திருந்தார். இந்த படத்திற்கு பிறகு தான் அஜித்திற்கு 'தல' என்கிற பட்டம் பிரபலமானது.

இந்த நிலையில் கிட்டத்தட்ட 23 வருடங்கள் கழித்து மீண்டும் தீனா படம் ரீ மாஸ்டர் டிஜிட்டல் பதிப்பில் வருகின்ற மே 1ம் தேதி அஜித் குமார் பிறந்த நாளை முன்னிட்டு வெளியாகும் என அறிவித்துள்ளனர். மேலும், இதே தேதியில் அஜித்தின் பில்லா, மங்காத்தா போன்ற படங்களும் ரீ ரிலீஸ் ஆகிறது என்பது குறிப்பிடத்தக்கது.