கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின்

சின்னத்திரையில் அறிமுகமாகி ‛டாடா' படம் மூலம் புகழ் வெளிச்சம் பெற்றவர் நடிகர் கவின். அதேப்போல் 'பியார் பிரேமா காதல்' படம் மூலம் ரசிகர்களை கவர்ந்தவர் இயக்குனர் இளன். இவர்கள் இருவரும் இணைந்து பயணித்துள்ள படம் ‛ஸ்டார்'. அதிதி பொஹங்கர், பிரீத்தி முகுந்தன், லால், லொள்ளு சபா மாறன், கீதா கைலாசம் உள்ளிட்ட பலர் நடித்திருக்கிறார்கள். யுவன் சங்கர் ராஜா இசையமைத்திருக்கிறார்.

இப்படத்தின் முதல்பார்வை மற்றும் பாடல்கள் வெளியாகி மில்லியன் கணக்கிலான பார்வையாளர்களை கடந்து சாதனை படைத்திருக்கிறது. அதிலும் நடிகர் கவின் பெண்ணாக தோன்றும் பாடல் காட்சி.. ரசிகர்களிடத்தில் பெரிய எதிர்பார்ப்பை ஏற்படுத்தி இருக்கிறது.

இந்நிலையில் இப்படத்தின் டிரைலர் வெளியிடப்பட்டிருக்கிறது. ஒரு சாதாரண இளைஞன் சினிமாவில் ஸ்டாராக ஆக துடிக்கும் கதை என டிரைலரை பார்க்கையில் புரிகிறது. அதற்கு வரும் தடைகள், நடுத்தர குடும்பத்து மக்களின் வாழ்க்கை முறை ஆகியவற்றை கலந்து ரசிகர்களை கவரும்படியான பல காட்சிகள், வசனங்களுடன் இந்த டிரைலர் உள்ளதால் ரசிகர்களின் வரவேற்பை பெற்றுள்ளது. குறிப்பாக கவினின் பல்வேறு விதமான தோற்றங்கள், அவரின் உணர்ச்சி பெருக்கான நடிப்பு, உயிரோட்டம் தரும் யுவனின் பின்னணி இசை ஆகியவை ரசிகர்களை வெகுவாக கவர்ந்து வருகிறது. தற்போது இந்த டிரைலர் வைரலாகி வருகிறது. மே 10ல் படம் வெளியாகிறது.

டிரைலர் லிங்க் : https://www.youtube.com/watch?v=5QlTZEogGrE