பிரபாஸ் பிறந்த நாளில் வெளியாகும் ராதே ஷ்யாம் டீசர்!

சாஹோ படத்தை அடுத்து ராதே ஷ்யாம், சலார், ஆதி புருஷ் ஆகிய படங்கில் நடித்து வந்த பிரபாஸ், தற்போது ராதே ஷ்யாம் படத்தில் நடித்து முடித்து விட்டார். தெலுங்கு, ஹிந்தியில் தயாராகியுள்ள இப்படம் வருகிற ஜனவரி14-ந்தேதி திரைக்கு வருகிறது. ராதா கிருஷ்ணகுமார் இயக்கியுள்ள இந்த படத்தில் பிரபாசுக்கு ஜோடியாக பூஜா ஹெக்டே நடித்துள்ளார்.

தற்போது இப்படத்தின் இறுதிக்கட்ட பணிகள் நடைபெற்று வரும் நிலையில், அக்டோபர் 23-ந்தேதி பிரபாஸின் பிறந்தநாள் என்பதால் அன்றைய தினத்தில் ராதே ஷ்யாம் படத்தின் டீசர் வெளியாக இருப்பதாக அறிவிக்கப்பட்டுள்ளது. அதையடுத்து இப்படத்தின் பிரமோசன் பணிகள் தீவிரப்படுத்தப்பட உள்ளது.