மோகன்லால் படத்தை இயக்கிக் கொண்டே மம்முட்டி படத்தை தயாரிக்கும் இயக்குனர்

நடிகர் மோகன்லாலின் ஆஸ்தான இயக்குனர்களில் முக்கியமானவர் மலையாள இயக்குனர் பி.உன்னிகிருஷ்ணன்.. மலையாள திரையுலக தொழிலாளர்கள் சங்கத்தின் செயலாளராக பொறுப்பு வகிக்கும் இவர், மாடம்பி, கிரான்ட் மாஸ்டர், மிஸ்டர் பிராடு மற்றும் வில்லன் என மோகன்லாலை வைத்து நான்கு படங்களை இயக்கினார்.. தற்போது ஐந்தாவதாக மீண்டும் மோகன்லால் நடிக்கும் 'ஆராட்டு' என்கிற ஆக்சன் படத்தை இயக்கி வருகிறார்.

இன்னொரு பக்கம் மம்முட்டி நடிப்பில் உருவாகியுள்ள 'தி பிரைஸ்ட்' என்கிற படத்தையும் இன்னொரு தயாரிப்பாளரான ஆண்டோ ஜோசப் என்பவருடன் இணைந்து இவர் தயாரித்துள்ளார். முதன்முறையாக மஞ்சு வாரியரும், மம்முட்டியும் இணைந்து நடித்துள்ள படம் இது என்பது கூடுதல் சிறப்பு. இது கொரோனா தாக்கத்திற்கு முன்னரே ஆரம்பித்த படம் என்றாலும், சமீபத்தில் தான் மீதி படப்பிடிப்பு மற்றும் போஸ்ட் புரொடக்சன் பணிகளை முடித்துள்ளனர். இன்று வெளியாகும் என்று சொல்லப்பட்டு வந்த நிலையில், அரபு நாடுகள் சிலவற்றில் தியேட்டர்கள் திறக்கப்படாமல் இருப்பதால் இந்தப்படத்தின் ரிலீஸ் தேதியை தள்ளி வைத்துவிட்டனர்.