ரஜினியின், பாலிவுட், 'சென்டிமென்ட்!'

சமீப காலமாக, தன் படங்களில், பாலிவுட் நடிகர்களையே வில்லனாக்கி வருகிறார், ரஜினி. அந்த வகையில், 2.0 படத்தில், பாலிவுட் நடிகர், அக் ஷய் குமார், வில்லனாக நடித்த நிலையில், காலா படத்தில், இன்னொரு பாலிவுட் நடிகரான, நானா படேகர், வில்லனாக நடித்தார். அதையடுத்து, தர்பார் படத்தில், சுனில் ஷெட்டி நடித்த நிலையில், தற்போது, ரஜினி நடித்து வரும், அண்ணாத்த படத்தில், பாலிவுட் நடிகர், ஜாக்கி ஷெராப், வில்லனாக நடிக்கிறார். ஹிந்தியில் வெளியான, உத்தர் தக்ஷன் என்ற படத்தில், முதன்முறையாக, ரஜினியும், ஜாக்கி ஷெராப்பும் இணைந்து நடித்தனர். அதையடுத்து, 33 ஆண்டுகளுக்கு பிறகு, இப்போது, மீண்டும் இணையப்போகின்றனர்.

— சினிமா பொன்னையா