தெலுங்கு டிவி நடிகை ஸ்ரீலக்ஷ்மி புற்றுநோயால் காலமானார்

புற்றுநோய் பாதிப்பால் பிரபல தெலுங்கு டிவி நடிகை ஸ்ரீல்ஷ்மி, காலமானார். இவரின் தந்தை பிரபல இயக்குனர் தேவதாஸ் ஆவார். அவர் இயக்கிய ராஜசேகரா சரித்திரா என்ற டிவி தொடர் மூலம் ஸ்ரீல்ஷ்மி சின்னத்திரையில் நடிகையாக அறிமுகமானார். தொடர்ந்து சின்னாரி, ருத்து கீதம், சூப்பர் மாம் போன்ற தொடர்கள் இவரை பிரபலமாக்கியது.

புற்றுநோயால் அவதிப்பட்டு வந்த ஸ்ரீலக்ஷமி அதற்கான சிகிச்சை மேற்கொண்டும் நோயின் தீவிரம் அதிகமானதால் அவரது உயிர் பிரிந்தது. இவருக்கு பெடி ராமராவ் என்ற கணவரும், இரண்டு மகள்களும் உள்ளனர். கொரோனா ஊரடங்கால் யாரும் அஞ்சலி செலுத்த வர வேண்டாம் என தெரிவித்து இருந்ததால் ஒரு சில குடும்ப உறுப்பினர்கள் மட்டுமே இறுதிச்சடங்கில் கலந்து கொண்டனர்.