சமூக வலைதளத்தில் கசிந்த காலா படத்தின் சண்டைக்காட்சிகள்
கபாலி படத்திற்கு ரஜினி - ரஞ்சித் கூட்டணி இணைந்துள்ள படம் காலா. தனுஷ் தயாரிப்பில் உருவாகி உள்ள இப்படத்தில் ரஜினியுடன் சமுத்திரகனி, நானா படேகர், ஹூமா குரேஷி உள்ளிட்ட பலர் நடித்துள்ளனர். மும்பையில் வாழும் தமிழகத்தை சேர்ந்த தாதா ஒருவரின் வாழ்க்கை பின்னணியில் இப்படம் உருவாகி உள்ளது. காலா வருகிற ஏப்., 27-ம் தேதி ரிலீஸாவதாக அதிகாரப்பூர்வமாக அறிவிக்கப்பட்டுவிட்டது.
இதனால் பின்னணி இசை, எடிட்டிங் உள்ளிட்ட மற்ற பணிகள் தீவிரமாய் நடந்து வருகின்றன. இந்த பணிகள் அனைத்தும் நிறைவடையும் நிலையில் உள்ளது. இந்நிலையில், காலா படத்தில் ரஜினி சண்டை போடும் காட்சிகள் இணையதளங்களில் லீக்காகி படக்குழுவிற்கு அதிர்ச்சியை ஏற்படுத்தி உள்ளது. எடிட்டிங் பணியின் போது தான் இந்த காட்சிகள் லீக்காகி இருக்கின்றன. இதனால் அங்கு இருப்பவர்கள் யாரோ தான் இதை வெளியிட்டிருக்க கூடும் என தெரிகிறது.