வேலைக்காரனுக்காக உடல் எடையை 10 கிலோ குறைக்கும் சினேகா

சென்னை: சிவகார்த்திகேயனின் வேலைக்காரன் படத்திற்காக சினேகா தனது எடையை 10 கிலோ வரை குறைக்கிறாராம்.

குழந்தை பெற்ற பிறகு நடிக்க வந்த சினேகா முதலில் ஹீரோயினாக மட்டுமே நடிப்பேன் என்று கூறினார். பின்னர் ஹீரோயின் ஆசையை விட்டுவிட்டு நல்ல கதாபாத்திரங்களில் நடிக்க ஒப்புக் கொண்டுள்ளார்.

மோகன் ராஜா சிவகார்த்திகேயனை வைத்து இயக்கும் வேலைக்காரன் படத்தில் சினேகா முக்கிய கதாபாத்திரத்தில் நடிக்கிறார்.

படத்தில் சினேகா கதாபாத்திரம் ஒல்லியாக இருக்க வேண்டுமாம். பிரசவத்திற்கு பிறகு சினேகா வெயிட் போட்டுவிட்டார். இந்நிலையில் படத்திற்காக வெயிட்டை குறைக்கும் முயற்சியில் இறங்கியுள்ளார்.

படத்திற்காக நான் எடையை 10 கிலோ வரை குறைக்க வேண்டும். ஏற்கனவே 7 கிலோ குறைத்துவிட்டேன். மீதமுள்ளதை குறைக்க முயற்சி செய்து வருகிறேன் என்கிறார் சினேகா.

நான் கர்ப்பமானபோது போட்ட வெயிட்டை குறைப்பது என்று இல்லை. என் கதாபாத்திரம் ஒல்லியாக இருக்கும் என்று இயக்குனர் கூறினார். கதாபாத்திரத்தின் உடல் எடை மிகவும் முக்கியம் என்றார் அவர் என சினேகா தெரிவித்துள்ளார்.

நான் காலையில் கார்டியோ, மாலையில் வெயிட் ட்ரெய்னிங் செய்து வருகிறேன். என் மகன் இருப்பதால் வீட்டிலேயே ஒர்க்அவுட் செய்கிறேன். சிவகார்த்திகேயன் படத்தில் பஹத் பாசிலுடன் நடிப்பதில் மகிழ்ச்சி. நான் அவரின் ரசிகை என சினேகா கூறியுள்ளார்.