பனி மலையில் அஜித்

 

இது ஹாலிவுட் ஜேம்ஸ் பாண்ட் பட பாணியிலான துப்பறியும் படம். அஜித் இன்டர்போல் போலீஸ் அதிகாரியாக நடிக்கிறார். பெரும்பகுதி கதை வெளிநாட்டில் நடக்கிறது. வில்லனை தேடி அஜித் நாடு நாடாக செல்வது மாதிரியான கதை. இதனால் படப்பிடிப்புகளும் ஐரோப்பாவின் பல நாடுகளில் நடந்து வருகிறது. படத்தரப்பிலிருந்து இதுவரை ஒரே ஒரு பர்ஸ்ட் லுக் மட்டுமே வெளியிடப்பட்டுள்ளது. அதில் அஜித் சிக்ஸ் உடற்கட்டுடன் போஸ் தருகிறார்.

 

ஆனால் அடிக்கடி படப்பிடிப்பு தளத்தில் அஜித் இருக்கும் படங்கள் வெளியாகிக் கொண்டிருக்கிறது. அஜித் பைக் ஓட்டுவது, ஸ்டைலாக நிற்பது போன்ற படங்கள் வெளியான நிலையில், சமீபத்தில் அவர் உடல் முழுவதும் காயங்களுடன் வருவது மாதிரியான படங்கள் வெளிவந்தது. தற்போது அஜித் பனிமலையில் பனிகளுக்கிடையில் மறைந்திருந்து எதிரிகளை துப்பாக்கி கொண்டு குறிபார்ப்பது போன்ற படம் வெளிவந்திருக்கிறது. இந்த படங்கள் தானாக வெளிவருகிறதா? இல்லை படத்தை பற்றிய செய்திகள் லைம் லைட்டிலேயே இருக்க வேண்டும் என்பதற்காக படக் குழுவினராலேயே திட்டமிட்டே லீக் செய்யப்படுகிறதா.? என்று தெரியவில்லை.