பிசிசிஐ வீரர்கள் ஒப்பந்த பட்டியலில் ரெய்னா, பின்னி, மோகித் சர்மா அதிரடி நீக்கம்

புதுடெல்லி: இந்திய கிரிக்கெட் வாரியம் ஆண்டுதோறும் இந்திய அணிக்கான வீரர்களை தரம் வாரியாக ஒப்பந்தம் செய்து வருகிறது. அந்தவகையில், 2017-2018ம் ஆண்டுக்கான கிரிக்கெட் வீரர்களின் ஒப்பந்த பட்டியல் நேற்று வெளியிடப்பட்டது.

இதுதவிர கிரிக்கெட் வீரர்களின் ஆண்டு அடிப்படை சம்பளத்தையும் பிசிசிஐ இரு மடங்காக உயர்த்தியுள்ளது. அதன்படி, ‘ஏ’  கிரேடில் உள்ளவர்களுக்கு ரூ. 2 கோடியும், ‘பி’ கிரேடில் இடம் பெறுபவருக்கு  ரூ. 1 கோடியும், ‘சி’ கிரேடில் இடம் பெறுபவருக்கு ரூ. 50 லட்சமும் ஆண்டு சம்பளம் வழங்கப்படும்.

இதேபோல் போட்டி சம்பளமும் உயர்த்தப்பட்டுள்ளது. டெஸ்ட் போட்டிக்கு ரூ. 15 லட்சமாகவும், ஒரு நாள் போட்டிக்கு ரூ. 6 லட்சமாகவும், டி20 போட்டிக்கு ரூ. 3 லட்சமாகவும் சம்பளம் நிர்ணயிக்கப்பட்டுள்ளது.

இந்த ஆண்டு டெஸ்ட் போட்டிகளில் சிறப்பான ஆட்டத்தை வெளிப்படுத்திய ஜடேஜா, புஜாரா, முரளி விஜய் ஆகிய மூவரும் ‘ஏ’ கிரேடுக்கு முன்னேற்றம் அடைந்துள்ளனர்.

ஏ கிரேடு: விராட்கோஹ்லி, டோனி, அஸ்வின், முரளி விஜய், ரவீந்திர ஜடேஜா, புஜாரா, அஜிங்கியா ரகானே. பி கிரேடு: ரோகித் சர்மா, கே. எல். ராகுல், புவனேஸ்வர் குமார், முகமது சமி, இஷாந்த் சர்மா, உமேஷ் யாதவ், விருத்திமான் சாகா, ஜாஸ்பிரிட் பும்ரா, யுவராஜ் சிங் சி கிரேடு: ஷிகர் தவான், அம்பாதி ராயுடு, அமித் மிஸ்ரா, மணிஷ் பாண்டே, அக்சர் பட்டேல், கருண் நாயர், ஹர்திக் பாண்ட்யா, ஆசிஷ் நெஹ்ரா, கேதார் ஜாதவ், யஷ்வேந்திர சாகல், பார்த்திவ் பட்டேல், ஜெயந்த் யாதவ், மன்தீப் சிங், தவால் குல்கர்னி, ஷர்துல் தாகூர், ரிஷப் பன்ட்.

நீக்கப்பட்டவர்கள்: கடந்த ஆண்டு பி கிரேடு பட்டியலில் இருந்த சுரேஷ் ரெய்னா ஒப்பந்த வீரர்கள் பட்டியலில் இருந்து அதிரடியாக நீக்கப்பட்டுள்ளார்.

அவருடன் ஸ்டுவர்ட் பின்னி, மோகித் சர்மா, வருண் ஆரோன், கரன் சர்மா, ஹர்பஜன்சிங், அரவிந்த்,. ஆகியோரும் நீக்கப்பட்டுள்ளனர். ஏற்றம் கண்ட வீரர்கள்: ராகுல், சாகா, புஜாரா, ஜடேஜா, பும்ரா ஆகியோர் ஏற்றம் கண்டுள்ளனர்.

புதிதாக பட்டியலில் ஜெயந்த் யாதவ், பாண்டியா,  தாகூர், பன்ட், கருண்நாயர், பாண்டே, சாகல்,, பார்த்திவ் பட்டேல் உள்ளிட்டோர் புதிதாக பட்டியலில் இணைந்துள்ளனர்.

தவான், ராயுடு ஆகியோர் பி கிரேடு பட்டியலில் இருந்து சி கிரேடுக்கு இறக்கம் கண்டுள்ளனர்.