லக் ஷ்மி விலாஸ் பேங்க் வருவாய் ரூ.879 கோடி
புதுடில்லி : லக் ஷ்மி விலாஸ் பேங்க், 2016 டிச., மாதத்துடன் முடிவடைந்த காலாண்டில், 78.38 கோடி ரூபாயை நிகர லாபமாக ஈட்டியுள்ளது. இது, முந்தைய ஆண்டின், இதே காலாண்டில், 46.07 கோடி ரூபாயாக சரிவடைந்து இருந்தது. இதே காலத்தில், வங்கியின் மொத்த வருவாய், 21.60 சதவீதம் உயர்ந்து, 723.05 கோடி ரூபாயில் இருந்து, 879.26 கோடி ரூபாயாக அதிகரித்துள்ளது. வட்டி வருவாய், 11.52 சதவீதம் அதிகரித்து, 653.72 கோடி ரூபாயில் இருந்து, 729.04 கோடி ரூபாயாக உயர்ந்துள்ளது.
கடந்த, 2016 டிச., வரை, வங்கி திரட்டிய மொத்த டிபாசிட் தொகை, 15.93 சதவீதம் உயர்ந்து, 23 ஆயிரத்து, 937 கோடி ரூபாயில் இருந்து, 27 ஆயிரத்து, 750 கோடி ரூபாயாக அதிகரித்துள்ளது.வங்கியின் வாரா கடன், 1.82 சதவீதமாக நடப்பு நிதியாண்டின் மூன்றாவது காலாண்டில் உள்ளது. இதுவே கடந்த நிதியாண்டில் வங்கியின் வாரா கடன் 0.82 சதவீதமாக குறைந்து இருந்தது.