சீமராஜாவை எதிர்க்கும் விஜய், அஜித் ரசிகர்கள் ?

 

விஜய், அஜித் ஆகியோருக்கு அடுத்த நிலையில் சிம்பு, தனுஷ் எனச் சொல்லலாம் என்ற ஒரு சூழல் சில வருடங்களுக்கு முன்பு உருவானது. ஆனால், தவறான படங்களால் அவர்கள் அதற்கான இடத்தை இழந்துவிட்டனர். இனி, அவர்கள் நடித்து வரும் படங்கள்தான் அவற்றை முடிவு செய்யும்.

 

இதனிடையே, பாக்ஸ் ஆபிசில் சிவகார்த்திகேயன் வேகமாக வளர்ந்து வருகிறார் என்று சொல்லப்பட்டது. அவர் நடித்து கடந்த வாரம் வெளியான 'சீமராஜா' படம் பெரிய வசூலைப் பெற்றால் விஜய், அஜித் ஆகியோருக்கு அடுத்து சிவகார்த்திகேயனும் அந்த இடத்திற்கான போட்டியில் இடம் பெறலாம் என்றார்கள்.

 

அதனாலேயே, விஜய், அஜித் ரசிகர்கள் 'சீமராஜா' படத்திற்கு எதிராக கடந்த சில தினங்களாக பல்வேறு விதமான மீம்ஸ்களை சமூக வலைத்தளங்களில் உலவ விட்டிருப்பதாகச் சொல்கிறார்கள். அந்த மீம்ஸ்கள் வைரலாகப் பரவி வருகிறது. இருப்பினும், 'வருத்தப்படாத வாலிபர் சங்கம், ரஜினிமுருகன்' ஆகிய படங்கள் அளவிற்கு பொன்ராம், சிவகார்த்திகேயன் கூட்டணி 'சீமராஜா' படத்தில் திருப்திப்படுத்தவில்லை என்ற நடுநிலை விமர்சனம் ரசிகர்களிடம் எழுந்துள்ளது.