ஜெயசூர்யாவை விடாது துரத்தும் சத்யன்

கதைக்கும் கதாபாத்திரங்களுக்கும் முக்கியத்துவம் கொடுத்து படங்களை தேர்ந்தெடுத்து நடித்து வருபவர் மலையாள நடிகர் ஜெயசூர்யா.. சமீபகாலமாக மறைந்த பிரபலங்கள் சிலரின் வாழ்க்கை வரலாற்றில் நடிப்பதற்கு ஆர்வம் காட்டி வருகிறார் ஜெயசூர்யா.. அந்தவகையில் மறைந்த கேரள கால்பந்தாட்ட வீரர் வி.பி.சத்யன் என்பவரது வாழக்கையை மையப்படுத்தி கடந்த வருடம் உருவான 'கேப்டன்' என்கிற படத்தில் சத்யன் கதாபாத்திரத்தில் நடித்து பாராட்டுக்களை பெற்றார்.

இந்தநிலையில் மறைந்த பிரபல மலையாள நடிகர் சத்யனின் வாழ்க்கை வரலாறாக உருவாகும் படத்தில் சத்யனாக நடிக்கிறார் ஜெயசூர்யா. இதற்கான அதிகாரப்பூர்வ அறிவிப்பையும் அவரே வெளியிட்டுள்ளார். கிட்டத்தட்ட நூறு படங்களுக்கு மேல் கதாநாயகனாக நடித்துள்ள சத்யன் 5௦ முதல் 7௦கள் வரை மலையாள சினிமாவில் நம்பர் ஒன் இடத்தில் இருந்தவர். அதுமட்டுமல்ல அப்போதுவரை நாடக பாணியிலான படங்கள் வெளியாகிக்கொண்டு இருந்த மலையாளத்தில் இவரது வரவிற்குப்பின் கமர்ஷியல் வடிவம் பெற்று ரியலிஸ்டிக்கான படங்கள் வெளிவர ஆரம்பித்தன என்பது குறிப்பிடத்தக்கது.