ரூ. 400 கோடி மைல்கல்லை நெருங்கிய சிம்பா!

தெலுங்கில் ஜூனியர் என்டிஆரின் நடிப்பில் வெளியான டெம்பர் படத்தின் ஹிந்தி ரீமேக்கை சிம்பா என்ற பெயரில் ரோஹித்ஷெட்டி இயக்கினார். ரன்வீர் சிங், சாரா அலிகான் நடித்த அந்த படம் கடந்த டிசம்பர் 27-ந்தேதி வெளியானது. வெற்றிகரமாக ஓடிக்கொண்டிருக்கும் அப்படம் ரூ. 400 கோடி மைல்கல்லை நெருங்கியிருப்பதாக தகவல் வெளியிடப்பட்டுள்ளது.

அதாவது இந்த படம் இந்தியாவில் மட்டும் இதுவரை 210. 20 கோடி ரூபாய் வசூலித்துள்ளது. வெளிநாடுகளில் வசூல் செய்துள்ள தொகையையும் சேர்த்து இதுவரை ரூ.395 கோடி வசூலித்திருக்கிறதாம். அதனால் விரைவில் ரூ. 400 கோடி மைல்கல்லை சிம்பா தொட இருப்பதாக அப்படக்குழு செய்தி வெளியிட்டிருக்கிறது.