அனிருத் - தனுஷை இணைத்த பேட்ட

ரஜினிகாந்தின் உறவினர் வீட்டுப்பிள்ளையாக அறியப்பட்டாலும் திரையுலகில் ஒரு இசையமைப்பாளராக அனிருத்துக்கு அடையாளம் தந்து வளர்த்துவிட்டவர் தனுஷ் தான்.. ஆனால் இடையில் 'பீப் பாடல் உள்ளிட்ட சில கசப்பான நிகழ்வுகளால் அனிருத்தை விட்டு கொஞ்சம் கொஞ்சமாக விலகிய தனுஷ், தனது படங்களுக்கு வேறு இசையமைப்பளர்களை தொடர்ந்து இசையமைக்க வைத்தார்.

இதனால் எதிர்காலத்தில் தனுஷ் - அனிருத் கூட்டணி இணைய வாய்ப்பில்லையோ என்கிற சந்தேகம் இப்போது வரை ஓடிக்கொண்டிருக்கிறது. இந்தநிலையில் ரஜினி நடிப்பில், அனிருத் இசையமைத்துள்ள 'பேட்ட' படம் இவர்கள் குறித்த ஆச்சர்யமான ஒரு செய்தியை வெளிப்படுத்தியுள்ளது. ஆம். இந்தப்படத்தில் 'இளமை திரும்புதே' என்கிற பாடலை தனுஷ் எழுதியுள்ளார். அந்தப்பாடலை அனிருத்தே பாடியுள்ளார்.

இதில் ரஜினியின் விருப்பத்தின் பேரில் தனுஷ் பண்ணினாரா அல்லது அனிருத்தே, தனுஷுடன் நேரடியாக டீல் செய்தாரா என்கிற கேள்வி எழுந்தாலும், இருவருக்கிடையே உள்ள விரிசலை 'பேட்ட' சற்று குறைக்கும் என நம்பலாம்.