மீனாவின் ஆசை மகளால் நிறைவேறியது

விஜய் நடித்த பிரண்ட்ஸ் படத்தை இயக்கியவர் மலையாள இயக்குனர் சித்திக். அந்த படத்தில் தேவயானி நடித்த வேடத்தில் நடிக்க முதலில் மீனாவை தான் அழைத்திருக்கிறார் சித்திக். ஆனால் அந்த சமயத்தில் மீனா வேறு சில படங்களில் பிசியாக இருந்ததினால் நடிக்கவில்லையாம்.

ஆனால், அதன்பிறகும் சித்திக் இயக்கத்தில் மீனா நடிப்பதற்கான சந்தர்ப்பங்கள் அமையவில்லை. ஆனபோதும், தற்போது மீனாவின் மகளான தெறி பேபி நைனிகா, பாஸ்கர் ஒரு ராஸ்கல் என்ற பெயரில் சித்திக் இயக்கியுள்ள படத்தில் நடித்திருக்கிறார்.

இதுபற்றி மீனா கூறும்போது, பிரண்ட்ஸ் படத்தில் சித்திக் இயக்கத்தில் நடிக்க முடியாமல் போனதை நினைத்து ரொம்பவே வருத்தப்பட்டேன். ஆனால் இப்போது என் மகள் அவரது பாஸ்கர் ஒரு ராஸ்கல் படத்தில் நடித்திருப்பது மகிழ்ச்சியாக உள்ளது. நானே சித்திக் படத்தில் நடித்தது போன்று பீல் பண்ணுகிறேன் என்கிறார் மீனா.