சூர்யாவுக்கு ஏப்ரல் 21; விஜய்க்கு ஏப்ரல் 25; பக்கா ப்ளானில் படக்குழு
தமிழ் சினிமாவே கண்டிராத வேலை நிறுத்தத்தை அறிவித்து 50 நாட்களாக போராடி பல கோரிக்கைகளை நிறைவேற்றியுள்ளனர் தயாரிப்பாளர்கள் சங்கத்தினர்.
தற்போது 50 நாட்களுக்கு பிறகு ஏப்ரல் 20ந் தேதி முதல் படங்கள் ரிலீஸ் மற்றும் சூட்டிங்கை நடத்திக் கொள்ளலாம் என அறிவித்துள்ளனர்.
இந்நிலையில் விஜய் 62 படத்தின் சூட்டிங்கை வருகிற ஏப்ரல் 25ஆம் தேதி முதல் அமெரிக்காவில் தொடங்க இருக்கிறார்களாம்.
ஏஆர். முருகதாஸ் இயக்கும் இந்த படத்தில் விஜய்யுடன் கீர்த்தி சுரேஷ், வரலட்சுமி, ராதாரவி உள்ளிட்டோர் நடித்து வருகின்றனர்.
ஏஆர். ரஹ்மான் இசையமைத்து வரும் இப்படத்தை சன் பிக்சர்ஸ் தயாரித்து வருகிறது.
அதுபோல் சூர்யா நடித்து வரும் என்ஜிகே படத்தின் சூட்டிங்கை நாளை ஏப்ரல் 21ல் தொடங்கவுள்ளார் செல்வராகவன்.
இதில் சூர்யாவுடன் ரகுல் பிரித்தி சிங், சாய் பல்லவி நடித்து வருகின்றனர்.
யுவன் இசையமைத்து இப்படத்தை ட்ரீம் வாரியர் பிக்சர்ஸ் தயாரித்து வருகிறது.