ஏ.ஆர்.ரஹ்மானுக்கு இரண்டு விருதுகள் 65வது தேசிய விருதுகள் .....

65வது தேசிய விருதுகள் அறிவிக்கப்பட்டுள்ளன. ஏ.ஆர்.ரஹ்மானுக்கு சிறந்த இசைய மற்றும் பின்னணி இசைக்கான இரண்டு தேசிய விருது அறிவிக்கப்பட்டுள்ளன. தமிழில் சிறந்த படமாக செழியன் இயக்கிய, "டூ-லெட்" படம் தேர்வாகி இருக்கிறது.

சினிமா துறையில் உள்ளவர்களை கவுரவிக்கும் விதமாக ஒவ்வொரு ஆண்டும் மத்திய அரசு தேசிய விருதுகள் அறிவித்து வருகின்றன. அதன்படி 65வது தேசிய விருதுகளை மத்திய அரசு இன்று அறிவித்தது.

ரஹ்மானுக்கு இரண்டு விருது

மணிரத்னத்தின் காற்று வெளியிடை படத்திற்கு இசையமைத்ததற்காக ஏ.ஆர்.ரஹ்மானுக்கு சிறந்த இசையமைப்பாளருக்கான தேசிய விருதும், ஸ்ரீதேவி நடித்த மாம் படத்திற்கு பின்னணி இசைக்காக சிறந்த பின்னணி இசைக்கான தேசிய விருதும் அறிவிக்கப்பட்டுள்ளது.

பாகுபலிக்கு மூன்று விருதுகள்

இந்திய சினிமாவில் அதிக வசூல் சாதனை புரிந்த ராஜமவுலி இயக்கிய பாகுபாலி 2 படத்திற்கு, மக்களை கவர்ந்த படம், சிறந்த ஸ்பெஷல் எபெக்ட்ஸ் மற்றும் ஆக்ஷ்ன் காட்சிகளுக்காக மூன்று தேசிய விருதுகள் அறிவிக்கப்பட்டுள்ளன.

மற்ற விருதுகள் விபரம்.....

சிறந்த நடிகர் : ரித்தி சென்(நகர்கிரதான்)

சிறந்த நடிகை : ஸ்ரீதேவி (மாம்)

சிறந்த இயக்குநர் : ஜெயராஜ் (பயணக்கம்)

சிறந்த துணை நடிகர் : பஹத் பாசில் (தொண்டிமுதலும் த்ரிகாஷியம்)

சிறந்த துணை நடிகை : திவ்யா தத்தா (இரடா)

சிறந்த திரைக்கதை : தொண்டிமுதலும் த்ரிகாஷியம்

சிறந்த திரைக்கதை தழுவல் : பயணக்கம்

சிறந்த பின்னணி பாடகர் : யேசுதாஸ்

சிறந்த பின்னணி பாடகி : சாஷா திரிபாதி(வான் வருவான்... காற்று வெளியிடை)

சிறந்த குழந்தை நட்சத்திரம் : பனிதா தாஸ் (வில்லேஜ் ராக்ஸ்டார்ஸ்)

சிறந்த ஒளிப்பதிவு : பயணக்கம்