மாலை நேர நிலவரம், தங்கம் விலை ஒரே நாளில் சவரனுக்கு ரூ.192 உயர்வு

சென்னை : தங்கம் விலை இன்று ஒரே நாளில் சவரனுக்கு ரூ.192 அதிகரித்துள்ளது. கடந்த சில நாட்களாக குறைந்து வந்த தங்கம் விலை, நேற்று மாலை முதல் மீண்டும் உயர துவங்கி உள்ளது. திருமண சீசனில் தங்கம் விலை உயர்ந்து வருவதால் மக்கள் கவலை அடைந்துள்ளனர்.
இன்றைய மாலை நேர நிலவரப்படி சென்னையில், ஒரு கிராம் (22 காரட்) ஆபரண தங்கத்தின் விலை ரூ.2836 ஆகவும், 10 கிராம் (24 காரட்) தங்கம் விலை ரூ.30,310 ஆகவும் உள்ளது. ஒரு சவரன் ரூ.22,688 க்கு விற்பனையாகிறது. அதே சமயம் ஒரு கிராம் வெள்ளி விலை மாற்றமின்றி காணப்படுவதால் காலை விலையே நீடிக்கிறது. ஒரு கிராம் வெள்ளி ரூ.43.40 ஆக உள்ளது.