மிஸ்டர் பட பாடல்களை வெளியிடும் சிரஞ்சீவி

வருண் தேஜ் நாயகனாக நடிக்கும் மிஸ்டர் திரைப்படத்தின் பாடல்களை தெலுங்கு திரை உலகின் மெகா ஸ்டார் சிரஞ்சீவி வெளியிடவுள்ளார். இயக்குனர் ஸ்ரீனு வைட்டாலா இயக்கத்தில் வருண் தேஜிற்கு ஜோடியாக லாவண்யா திரிபதி, ஹீப்பா பட்டேல் நடிக்கும் மிஸ்டர் படத்திற்கு கோபி மோகன் கதை எழுத ஸ்ரீதர் திரைக்கதை அமைத்து வசனம் எழுதியுள்ளார். மார்ச் 30ல் ஐதராபாத்தில் நடைபெறவுள்ள மிஸ்டர் பட பாடல்கள் வெளியீட்டு விழாவில் சிரஞ்சீவி சிறப்பு விருந்தினராக கலந்து கொண்டு பாடல்களை வெளியிடவார் என அறிவிக்கப்பட்டுள்ளது. சிரஞ்சீவியின் சகோதரர் நாகபாபுவின் மகன் வருண் தேஜ் தனிப்பட்ட முறையில் கேட்டுக்கொண்டதன் பேரில் சிரஞ்சீவி மிஸ்டர் ஆடியோ ரிலீஸில் கலந்து கொள்ள சம்மதம் தெரிவித்துள்ளாராம். ஏப்ரல் 14ல் மிஸ்டர் படத்தை திரைக்கு கொண்டு வர படக்குழு திட்டமிட்டுள்ளது.