சின்சினாட்டி ஓபன் டென்னிஸ்: காலிறுதியில் தோல்வி கண்ட ஹோல்கர் ரூனே

சின்சினாட்டி, சின்சினாட்டி ஓபன் சர்வதேச டென்னிஸ் போட்டி அமெரிக்காவில் நடந்து வருகிறது. இதில் ஆண்கள் ஒற்றையர் பிரிவில் இன்று நடைபெற்ற காலிறுதி ஆட்டம் ஒன்றில் முன்னணி வீரரான ஹோல்கர் ரூனே (டென்மார்க்) - பிரான்சின் டெரன்ஸ் அட்மேன் உடன் மோதினார். இந்த மோதலில் எளிதில் வெற்றி பெற்று அரையிறுதிக்கு முன்னேறுவார் என எதிர்பார்க்கப்பட்ட ஹோல்கர் ரூனே யாரும் எதிர்பார்க்கா வண்ணம் 2-6, 3-6 என்ற செட் கணக்கில் அதிர்ச்சி தோல்வி கண்டு தொடரில் இருந்து வெளியேறினார். வெற்றி பெற்ற டெரன்ஸ் அட்மேன் அரையிறுதிக்கு முன்னேறினார்.