தமிழக வாக்காளர்கள் எண்ணிக்கை சரிவு; 9.11 லட்சம் பெயர்கள் நீக்கம்

வாசிக்க நேரம் இல்லையா? செய்தியைக் கேளுங்கள்

சென்னை: தமிழகத்தில் வாக்காளர்கள் எண்ணிக்கை, 6.20 கோடியில் இருந்து 6.12 கோடியாக சரிந்துள்ளது. கடந்த ஐந்து மாதங்களில், 9.11 லட்சம் வாக்காளர்களின் பெயர்கள் நீக்கப்பட்டுள்ளன.

ஒவ்வொரு ஆண்டும் ஜன., 1ம் தேதியை தகுதி ஏற்படுத்தும் நாளாக வைத்து, வாக்காளர் பட்டியல் திருத்தப் பணி நடந்து வந்தது. தற்போது ஜன., 1; ஏப்., 1; ஜூலை 1; அக்., 1 ஆகிய நாட்களை, தகுதி ஏற்படுத்தும் நாளாக வைத்து, தொடர்ந்து இளைஞர்களின் பெயர்களை, வாக்காளர் பட்டியலில் சேர்க்க, தேர்தல் கமிஷன் உத்தரவிட்டுள்ளது.

வாக்காளர் பட்டியல் தொடர் திருத்த நடைமுறை, தற்போது செயல்பாட்டில் உள்ளது. எனவே, கடந்த ஏப்., 1ல் 18 வயது நிரம்பியவர்கள் பெயர், வாக்காளர் பட்டியலில் சேர்க்கப்படாமல் இருந்தால், அவர்கள் வாக்காளர் பதிவு அதிகாரி அலுவலகத்தில், படிவம் 6ல் விண்ணப்பிக்கலாம்.மேலும், voters.eci.gov.in என்ற இணையதளத்தில் விண்ணப்பிக்கலாம். 'கூகுள் பிளே ஸ்டோரில்' இருந்து, 'Voter Helpline' என்ற 'மொபைல் ஆப்' பதிவிறக்கம் செய்து, அதன் வழியாக விண்ணப்பிக்கலாம். புகைப்படம் இல்லாத வாக்காளர் பட்டியல் நகலை, வாக்காளர் பதிவு அலுவலரிடம், ஒரு சட்டசபை தொகுதிக்கு, 100 ரூபாய் வீதம் கட்டணம் செலுத்தி பெற்றுக் கொள்ளலாம்.மேலும் விபரங்களுக்கு, 1950, 1800 42521950 ஆகிய கட்டணமில்லா தொலைபேசி எண்களைத் தொடர்பு கொள்ளலாம் என, தமிழகத் தலைமை தேர்தல் அதிகாரி சத்யபிரதா சாஹு தெரிவித்துள்ளார்.***

சென்னை: தமிழகத்தில் வாக்காளர்கள் எண்ணிக்கை, 6.20 கோடியில் இருந்து 6.12 கோடியாக சரிந்துள்ளது. கடந்த ஐந்து மாதங்களில், 9.11 லட்சம் வாக்காளர்களின் பெயர்கள் நீக்கப்பட்டுள்ளன.ஒவ்வொரு ஆண்டும் ஜன.,