பனிச்சரிவில் சிக்கி காதலி உயிரிழப்பு: காதலன் தற்கொலை

மலையேறும் போது பனிச்சரிவில் சிக்கி காதலி உயிரிழந்ததால் உலகப் புகழ்பெற்ற மலையேறும் வீரர் ஹெய்டன் கென்னடி மனமுடைந்து தற்கொலை செய்துகொண்டார்.

 

உலகப் புகழ்பெற்ற மலையேறும் வீரர் ஹெய்டன் கென்னடியும் (வயது 27) இவரது பெண் தோழியும் மலையேறும் வீராங்கனையுமான பெர்கின்ஸூம் (வயது 23) அமெரிக்காவின் மொன்டானா பனி மலையில் ஏறிக்கொண்டிருந்த போது, திடீரென ஏற்பட்ட பனிச்சரிவில் சிக்கினர்.

 

இந்த பனிச்சரிவில் இருந்து அதிர்ஷ்டவசமாக ஹெய்டன் கென்னடி உயிர் தப்பிய போதும், சுமார் 150 அடி பள்ளத்தில் புதைந்து பரிதாபமாக உயிரிழந்தார் பெர்கின்ஸ்.

 

இதனால், காதலி உயிரிழந்த துக்கம் தாளாது ஹெய்டன் கென்னடி மனமுடைந்து தற்கொலை செய்துகொண்டுள்ளார்.