தொடர் சரிவில் தங்கம் விலை.. மகிழ்ச்சியில் நகைப்பிரியர்கள்

சென்னை, இந்தியாவில் தங்கம் விலை சர்வதேச அளவிலான வணிக சூழலை பொறுத்து தினசரி மாற்றியமைக்கப்படுகின்றன. தங்கம் விலையை பொருத்தவரை இந்த ஆண்டு துவக்கத்தில் இருந்தே தாறுமாறாக உயர்ந்து அதிகபட்சமாக ரூ.75,760 ஆக உயர்ந்தது. கடந்த 8ம் தேதி வரலாற்றில் உயர்ந்த உட்சபட்ச இந்த விலை உயர்வை எட்டியது. இதனைத்தொடர்ந்து கடந்த வாரம் முதல் தங்கம் விலை தொடர்ந்து இறங்கு முகத்தில் காணப்பட்டு வருவதால் நகை பிரியர்கள் மகிழ்ச்சி அடைந்துள்ளனர். சென்னையில் கடந்த 16-ந்தேதி தங்கம் விலை ஒரு கிராம் ரூ.9 ஆயிரத்து 275-க்கும், பவுன் ரூ.74 ஆயிரத்து 200-க்கும் விற்பனையானது. இதில் எந்தவித மாற்றமும் இன்றி நேற்று முன்தினம் வரை தொடர்ந்தது. இதற்கிடையே, நேற்று கிராமுக்கு ரூ.40 குறைந்து ரூ.9 ஆயிரத்து 235-க்கும், பவுன் ரூ.320 குறைந்து ரூ.73 ஆயிரத்து 880-க்கும் விற்பனை செய்யப்பட்டது. இந்நிலையில் இன்றும் தங்கம் விலை சரிவை சந்தித்துள்ளது. இதன்படி சென்னையில் ஆபரணத் தங்கம் விலை கிராமுக்கு ரூ.55 குறைந்து ஒரு கிராம் தங்கம் ரூ.9.180க்கும், சவரனுக்கு ரூ.440 குறைந்து ஒரு சவரன் தங்கம் ரூ.73,440 க்கும் விற்பனை செய்யப்படுகிறது. கடந்த 14-ந்தேதி ஒரு கிராம் வெள்ளி ரூ.127-க்கும், கிலோ ரூ.1 லட்சத்து 27 ஆயிரத்துக்கும் விற்பனை செய்யப்பட்டது. இதில் எந்தவித மாற்றமும் இல்லாமல் நேற்று முன்தினம் வரை நீடித்தது. நேற்று ரூ.1 குறைந்து கிராம் ரூ.126-க்கும், ரூ.1,000 குறைந்து கிலோ ரூ.1 லட்சத்து 26 ஆயிரத்துக்கும் வெள்ளி விற்பனையானது. இந்நிலையில் இன்று வெள்ளி கிராமுக்கு ரூ.1 குறைந்து, ஒரு கிராம் ரூ. 125க்கும், ஒரு கிலோ வெள்ளி 1,25,000 ரூபாய்க்கும் விற்பனை செய்யப்பட்டு வருகிறது. கடந்த 5 நாட்களில் தங்கம் விலை நிலவரம்:- 20.08.2025 ஒரு சவரன் ரூ.73,440 (இன்று) 19.08.2025 ஒரு சவரன் ரூ.73,880 (நேற்று) 18.08.2025 ஒரு சவரன் ரூ.74,200 17.08.2025 ஒரு சவரன் ரூ.74,200 16.08.2025 ஒரு சவரன் ரூ.74,200 15.08.2025 ஒரு சவரன் ரூ.74,240