எட்டாக் கனியாகும் தங்கம்.... ஒரே நாளில் 2-வது முறையாக விலை உயர்வு

சென்னை,உலக நாடுகள் இடையிலான போர் பதற்றம், பொருளாதார மந்தநிலை, டாலருக்கு எதிரான ரூபாய் மதிப்பு வீழ்ச்சி போன்ற காரணங்களால் தங்கம் விலை ஏற்றம் இறக்கம் கண்டு வருகிறது. கடந்த 12-ந்தேதி வரை உயர்ந்து வந்து, பின்னர் குறைந்து, 16-ந்தேதி அதிரடியாக அதிகரித்து ஒரு பவுன் ரூ.82 ஆயிரத்தையும் தாண்டியது. அதற்கு அடுத்த 2 நாட்கள் தொடர்ந்து விலை குறைந்து, ரூ.82 ஆயிரத்துக்கு கீழும் வந்தது. இந்த நிலையில், இன்று காலை தங்கம் விலை புதிய உச்சத்தை எட்டியது. அதன்படி தங்கம் விலை சவரனுக்கு ரூ.560 உயர்ந்து, ஒரு சவரன் ரூ,82,880-க்கு விற்பனையானது. கிராமுக்கு ரூ.70 உயர்ந்து, ஒரு கிராம் ரூ.10,360-க்கு விற்பனை செய்யப்பட்டது. தங்கம் விலையை போல, வெள்ளி விலையும் இன்று உயர்ந்துள்ளது. கிராமுக்கு ரூ.3-ம், கிலோவுக்கு ரூ.3,000-ம் உயர்ந்து, ஒரு கிராம் ரூ.148-க்கும், ஒரு கிலோ ரூ.1 லட்சத்து 48 ஆயிரத்துக்கும் விற்பனை செய்யப்பட்டது. இந்நிலையில், தங்கம் விலை இன்று ஒரே நாளில் 2-வது முறையாக உயர்ந்துள்ளது. அதன்படி, சவரனுக்கு ரூ.560 உயர்ந்து ஒரு சவரன் ரூ.83.440-க்கும், கிராமுக்கு ரூ.70 உயர்ந்து ஒரு கிராம் ரூ.10.430-க்கும் விற்பனை செய்யப்பட்டு வருகிறது. இன்று ஒரே நாளில் மட்டும் தங்கம் ரூ.1,12 அதிகரித்துள்ளது. இதன்மூலம் எழை எளிய மக்களின் எட்டாக் கனியாக தங்கம் இருந்து வருகிறது.