கத்ரினா கைப், ஜாக்குலின், பிராவோ ஆட்டத்தோடு கோலாகலமாக நடந்த ஐபிஎல் தொடக்க விழா (வீடியோ இணைப்பு)

இந்த தொடருக்கான தொடக்க விழா நேற்று மாலை மும்பை வொர்லியில் உள்ள நேஷனல் ஸ்போர்ட்ஸ் கிளப் ஆப் இந்தியா அரங்கில் கோலாகலமாக நடைபெற்றது.

இந்த விழாவில் பாலிவுட் நட்சத்திரங்கள் கேத்ரினா கைப், ரன்வீர் சிங், ஜாக்குலின் பெர்னாண்டஸ், யோ யோ ஹனிசிங் ஆகியோரது நடன நிகழ்ச்சி நடைபெற்றது.

அமெரிக்காவைச் சேர்ந்த மின்னணு இசைக்குழுவான மேஜர் லேசர் குழுவின் நிகழ்ச்சியும் பிரிட்டனைச் சேர்ந்த பொப் பேண்ட் குழுவின் இசை நிகழ்ச்சியும் நடந்தது.

இதேபோல் மேற்கிந்திய தீவுகள் அணியின் வீரரும், ரெய்னா தலைமையிலான குஜராத் லயன்ஸ் அணிக்காக விளையாடும் பிராவோ, சாம்பியன் பாடலுக்கு நடனமாடி அசத்தினார்.

கிராபிக்ஸ் தொழில்நுட்பத்தில் அரங்கை ஒளிர வைக்கும் நிகழ்ச்சிகள், பாரம்பரிய நடனங்கள் உள்ளிட்ட பல்வேறு நிகழ்ச்சிகள் நடைபெற்றன.

இந்த தொடக்க விழாவில் போட்டியில் பங்கேற்கவுள்ள 8 அணிகளின் தலைவர்களும் பங்கேற்றனர். விழாவில் ஐபிஎல் தலைவர் ராஜீவ் சுக்லா கிண்ணத்தை அறிமுகம் செய்து வைத்தார்.