சென்னை சூப்பர் கிங்ஸை போல வருமா.. நீங்காத நினைவுகளுடன் பிராவோ (வீடியோ இணைப்பு)

சென்னையில் அல்டிமேட் விளையாட்டு பயிற்சி மையம் தொடக்க விழா நேற்று நடைபெற்றது. இதில் மேற்கிந்தியத் தீவுகள் அணியின் நட்சத்திர வீரர் டுவைன் பிராவோ பங்கேற்றார்.

அந்த நிகழ்ச்சியில் அவர் பேசியதாவது, ”கண்டிப்பாக டோனியின் தலைமையை நான் அதிகமாக மிஸ் பண்ணுவேன். அவர் உலகின் தலைச்சிறந்த தலைவர்களின் ஒருவர்.

தற்போது ரெய்னாவிற்கு நல்ல வாய்ப்பு கிடைத்துள்ளது. அவருக்கு நாங்கள் முழு ஒத்துழைப்பு கொடுப்போம். சென்னை அணியில் இருந்த முக்கிய வீரர்கள் தற்போது குஜராத் அணியில் உள்ளனர்.

எங்களுக்கு ஒரு போட்டியை எப்படி வெல்லவது என்று தெரியும். ஒரு காலத்தில் சென்னை அணியை வீழ்த்த வேண்டும் என்று அனைத்து அணிகளும் விரும்பும். குஜராத் அணியும் அது போல் உருவாகும் என்று நம்புகிறேன்.

அதேசமயம் சென்னை அணிக்கு மாற்று அணி என்பதே கிடையாது. நாங்கள் சென்னை அணியில் இருந்து ஐந்து வீரர்களை கொண்டுள்ளோம். எனவே சென்னை ரசிகர்கள் குஜராத் லயன்ஸ் அணிக்கு ஆதரவு அளிப்பார்கள் என்று நினைக்கிறேன்.

மேலும், டி20 உலகக்கிண்ணத்தின் அரையிறுதியில் நாங்கள் இந்தியாவை வென்ற சமயத்திலும் ரசிகர்கள் மைதானத்தில் எழுந்து நின்று எங்களுக்கு தெரிவித்த ஆதரவை என்றும் மறக்க முடியாது” என்று கூறியுள்ளார்.