பிசிசிஐ ஆண்டு செயற்குழுக் கூட்டம் இன்று மும்பையில் தொடங்கியுள்ளது

Monday, 09 November 2015 09:07

பிசிசிஐ ஆண்டு செயற்குழுக் கூட்டம் மும்பையில் இன்று தொடங்கியுள்ளது. இந்தக் கூட்டத்தில் ஐசிசி தலைவர் ஸ்ரீனிவாசனை மாற்றப் பரிந்துரை செய்வதுக் குறித்து ஆலோசனை நடைபெற்று வருவதாகத் தகவல் வெளியாகியுள்ளது.

பிசிசிஐ ஆண்டு செயற்குழுக் கூட்டம் அதன் தலைவர் ஷசாங்க் மனோகர் தலைமையில் தொடங்கி உள்ளது. இந்தக் கூட்டத்தில் பிசிசிஐ செயலாளர் மற்றும், உறுப்பினர்கள், முன்னாள் தலைவர் சரத் பவார் உள்ளிட்டவர்கள் கலந்துக்கொண்டு உள்ளனர்.இந்த கூட்டத்தில் சர்வதேச கிரிக்கெட் கவுன்சில் எனப்படும் ஐசிசி தலைவர் பொறுப்பிலிருந்து ஸ்ரீனிவாசனை நீக்கப் பரிந்துரை செய்வதுக் குறித்த ஆலோசனை மற்றும் ஐபிஎல் புதிய தலைவரை நியமிப்பதுக் குறித்த ஆலோசனை நடைபெற்று வருவதாகத் தெரிய வருகிறது.

ஐசிசி தலைவராக ஷஷாங் மனோகரை நியமிக்கவே அனைவரும் ஆதரவு தெரிவிப்பதாகவும் தெரிய வருகிறது.இதுக்குறித்த அதிகாரப்பூர்வ அறிவிப்புக்கள் இன்னமும் வெளிவரவில்லை.