இருபது ஓவர் கிரிக்கெட் போட்டிகளை ஒலிம்பிக் போட்டிகளில் சேர்க்க வேண்டும்:சச்சின்

Wednesday, 28 October 2015 10:33

இருபது ஓவர் கிரிக்கெட் போட்டிகளை மீண்டு ஒலிம்பிக் போட்டிகளில் சேர்க்க வேண்டும் என்று பிரபல கிரிக்கெட் நட்சத்திரமான சச்சின் டெண்டுல்கர் கோரிக்கை வைத்துள்ளார்.

ஒலிம்பிக் போட்டிகளில் முன்பொருகாலத்தில் கிரிக்கெட் இடம்பெற்று இருந்தது. ஆனால், கிரிக்கெட் போட்டிகள் அதிக நேரம் விளையாடப்படுகின்றன என்கிற காரணத்தினாலோ என்னவோ, ஒலிம்பிக் போட்டிகளிலிருந்து கிரிக்கெட் போட்டிகளை நீக்கம் செய்தது ஒலிம்பிக் சம்மேளனம். இந்நிலையில் இருபது ஓவர் கிரிக்கெட் போட்டிகள் அனைத்து விளையாட்டையும் போல 3 மணி நேரத்துக்குள் முடிவடைந்து விடுவதால், 20 ஓவர் கிரிக்கெட் போட்டிகளை ஒலிம்பிக்கில் சேர்க்க வேண்டும் என்று சச்சின் கோரிக்கை வைத்துள்ளார்.

ஐசிசி இந்த கோரிக்கையை ஒலிம்பிக் சம்மேளனத்துக்கு வைக்க வேண்டும் என்றும் சச்சின் அறிவுறுத்தி உள்ளார்.