புகழ்ப்பெற்ற பி.எம்.டபுள்யு காரின் பெண் வாரிசு ஜோஹேனா குவந்த் மரணம்

 பேட் ஹோம்பர்க், 6 ஆகஸ்டு -  உலகின் மிகப் பெரிய செல்வந்தர்களின் பட்டியலில் 11-வது  இடத்தைப் பிடித்த பி.எம்.டபுள்யுவின் பெண் வாரிசு ஜொஹேனா குவந்த் தமது 89-வது வயதில் காலமானார்.

 பி.எம்.டபுள்யு நிறுவனத்தின் முன்னேற்றத்திற்குப் பெரும் பெரும் பங்கு வகித்தவர் இவர் .ஜெர்மனியின் பேட் ஹோம்பர்க் நகரில் ஜொஹேனா காலமானதாக ஊடகங்கள் செய்தி வெளியிட்டுள்ளன.

1926-ஆம் ஆண்டு பிறந்த ஜோஹெனா புருண், 1950-ஆம் ஆண்டுகளில் தொழிலதிபர் ஹெர்பர்ட் குவந்தின் காரியதரிசியாக முதலில் பணியாற்றத் தொடங்கினார். பின்னர், ஹேர்பர்ட்டின் தனிப்பட்ட உதவியாளர் ஆனார். ஜோஹெனா 1960-ஆம் ஆண்டு ஹெர்பர்ட் குவந்த்தையே மணமுடித்தார். 

 1982-ஆம் ஆண்டு கணவர் இறந்த பின்னர், பி.எம்.டபுள்யு நிறுவனத்தின் முக்கிய பங்குதாரரான ஜோஹெனா, அந்நிறுவனத்தின், 16.7  சதவிகித பங்கின் உரிமையாளர் என்பது குறிப்பிடத்தக்கது.

கடந்த டிசம்பர் மாதம் ஜோஹெனா குடும்பத்தின் மொத்த சொத்து மதிப்பு 4370 கோடி டாலர்கள் என கணக்கிடப்பட்டுள்ளது.