முதல் படத்திலேயே முத்திரை பதிப்பாரா சோனாக்சி சின்ஹா?

சென்னை,பிரபல பாலிவுட் நடிகைகளில் ஒருவரான சோனாக்சி சின்ஹா, தற்போது சுதீர் பாபுவுடன் இணைந்து நடித்திருக்கும் படம் "ஜடதாரா" இப்படத்தின் மூலம் அவர் தெலுங்கில் அடியெடுத்து வைக்கிறார். தெலுங்கு-இந்தி என இருமொழிகளில் உருவாகும் "ஜடதாரா" படத்தில், சோனாக்சி தனா பிசாச்சி என்ற வேடத்தில் நடித்திருக்கிறார், வசீகரம் மற்றும் அச்சுறுத்தல் இரண்டையும் கலந்த இந்த கதாபாத்திரம் பார்வையாளர்களை கவரும் என்று எதிர்பார்க்கப்படுகிறது. வருகிற 7-ம் தேதி திரையரங்குகளில் வெளியாகும் இந்தப் படம், ராஷ்மிகா மந்தனாவின் “தி கேர்ள் பிரண்ட்” படத்துடன் மோதுகிறது. "ஜடதாரா" சோனாக்சி சின்ஹாவுக்கு தெலுங்கில் தனது முத்திரையைப் பதிக்க உதவுமா? என்பதைப் பொறுத்திருந்து பார்ப்போம்.