சென்னை விமான நிலையத்தில் ரூ. 1.33 கோடி மதிப்புள்ள இ-சிகரெட்டுகள் பறிமுதல்

ஐக்கிய அரபு அமீரகத்தில் இருந்து சென்னைக்கு இன்று சரக்கு விமானம் வந்தது. இந்த விமானத்தில் கொண்டு வரப்பட்ட பொருட்களை சுங்கத்துறை அதிகாரிகள் வழக்கம்போல் சோதனை செய்தனர். அப்போது, சரக்கு விமானத்தில் இந்தியாவில் தடை செய்யப்பட்ட இ-சிகரெட்டுகள் கடத்தி வரப்பட்டிருப்பதை அதிகாரிகள் கண்டுபிடித்தன. இதையடுத்து, இ-சிகரெட்டுகளை அதிகாரிகள் பறிமுதல் செய்தனர். மொத்தம் 4 லட்சத்து 31 ஆயிரம் வெளிநாட்டு இ-சிகரெட்டுகள் கடத்தி வரப்பட்டுள்ளதாகவும், இந்த இ-சிகரெட்டுகளின் மதிப்பு 1 கோடியே 33 லட்ச ரூபாய் என்றும் அதிகாரிகள் தெரிவித்துள்ளனர். மேலும், இ-சிகரெட்டுகளை கடத்தி வந்தது யார்? என்பது குறித்து அதிகாரிகள் விசாரணை நடத்தி வருகின்றனர்.