ரஜினிக்கு BMW கார் பரிசளித்த கலாநிதிமாறன்

ரஜினிகாந்த் நடிப்பில் ஆக. 10ம் தேதி வெளியான திரைப்படம் 'ஜெயிலர்'. நெல்சன் திலீப்குமார் இயக்கியுள்ளஇதில், ரம்யா கிருஷ்ணன், விநாயகன்,யோகிபாபு, வசந்த் ரவி, மலையாள நடிகர் மோகன்லால், கன்னட நடிகர் சிவராஜ்குமார் உட்பட பலர் நடித்துள்ளனர். அனிருத் இசை அமைத்துள்ளார். இந்தப் படம் அமோக வரவேற்பைப் பெற்றுள்ளது. இதுவரை இந்த படம் ரூ. 525 கோடிக்கும் அதிகமாக வசூல் செய்துள்ளதாக சன் பிக்சர்ஸ் தெரிவித்துள்ளது. 'ஜெயிலர்' வெற்றியை கொண்டாடும் விதமாக தயாரிப்பாளர் கலாநிதி மாறன், ரஜினிக்கு நேற்று முன் தினம் காசோலை வழங்கினார். இந்நிலையில், பிஎம்டபிள்யூ i7 மற்றும் பிஎம்டபிள்யூ X7 மாடல் காரில் ஒன்றை தேர்ந்தெடுக்குமாறு ரஜினியை கலாநிதி மாறன் கேட்டுக் கொண்டார். இதில் அவர், பிஎம்டபிள்யூ X7 மாடல் காரை தேர்ந்தெடுத்தார். அதை கலாநிதி மாறன், ரஜினிக்கு பரிசாக வழங்கினார்.