சற்று உயர்ந்த தங்கம் விலை.. இன்றைய நிலவரம் என்ன..?

சென்னை, இந்தியாவில் தங்கம் விலை சர்வதேச அளவிலான வணிக சூழலை பொறுத்து தினசரி மாற்றியமைக்கப்படுகின்றன. தங்கம் விலையை பொருத்தவரை இந்த ஆண்டு துவக்கத்தில் இருந்தே தாறுமாறாக உயர்ந்து அதிகபட்சமாக ரூ.75,760 ஆக உயர்ந்தது. கடந்த 8ம் தேதி வரலாற்றில் உயர்ந்த உட்சபட்ச இந்த விலை உயர்வை எட்டியது. இதனைத்தொடர்ந்து கடந்த வாரம் முதல் தங்கம் விலை தொடர்ந்து இறங்கு முகத்தில் காணப்பட்டு வந்ததால் நகை பிரியர்கள் மகிழ்ச்சி அடைந்தனர். இதன்படி சென்னையில் கடந்த 16-ந்தேதி தங்கம் விலை ஒரு கிராம் ரூ.9 ஆயிரத்து 275-க்கும், பவுன் ரூ.74 ஆயிரத்து 200-க்கும் விற்பனையானது. இதில் எந்தவித மாற்றமும் இன்றி கடந்த 18-ம் தேதி வரை தொடர்ந்தது. இதற்கிடையே, நேற்று முன் தினம் கிராமுக்கு ரூ.40 குறைந்து ரூ.9 ஆயிரத்து 235-க்கும், பவுன் ரூ.320 குறைந்து ரூ.73 ஆயிரத்து 880-க்கும் விற்பனை செய்யப்பட்டது. இந்த சூழலில் நேற்றும் தங்கம் விலை சரிவை சந்தித்தது. இதன்படி ஆபரணத் தங்கம் விலை கிராமுக்கு ரூ.55 குறைந்து ஒரு கிராம் தங்கம் ரூ.9.180க்கும், சவரனுக்கு ரூ.440 குறைந்து ஒரு சவரன் தங்கம் ரூ.73,440 க்கும் விற்பனை செய்யப்பட்டது. இந்நிலையில் கடந்த 10 நாட்களாக தங்கம் விலை சவரனுக்கு சுமார் 2,000 ரூபாய்க்கு மேல் குறைந்த நிலையில் இன்று சற்று அதிகரித்துள்ளது. இதன்படி சென்னையில் ஆபரணத் தங்கம் விலை கிராமுக்கு ரூ.50 உயர்ந்து ஒரு கிராம் தங்கம் ரூ.9,230க்கும், சவரனுக்கு ரூ.400 உயர்ந்து ஒரு சவரன் தங்கம் ரூ.73,840 க்கும் விற்பனை செய்யப்படுகிறது. இன்று வெள்ளி விலை கிராமுக்கு ரூ.1 உயர்ந்து, ஒரு கிராம் ரூ. 126க்கும், ஒரு கிலோ வெள்ளி 1,26,000 ரூபாய்க்கும் விற்பனை செய்யப்பட்டு வருகிறது. கடந்த 5 நாட்களில் தங்கம் விலை நிலவரம்:- 21.08.2025 ஒரு சவரன் ரூ.73,840 (இன்று) 20.08.2025 ஒரு சவரன் ரூ.73,440 (நேற்று) 19.08.2025 ஒரு சவரன் ரூ.73,880 18.08.2025 ஒரு சவரன் ரூ.74,200 17.08.2025 ஒரு சவரன் ரூ.74,200 16.08.2025 ஒரு சவரன் ரூ.74,200