மீண்டும் உயர்ந்த தங்கம் விலை.... இன்றைய நிலவரம் என்ன?

சென்னை,தொடர்ந்து உச்சம் கண்டு வந்த தங்கத்தின் விலை, கடந்த ஓரிரு நாட்களாக சரிவை சந்தித்து வருகிறது. கடந்த 3-ந்தேதி, ஒரு கிராம் தங்கத்தின் விலை ரூ.8 ஆயிரத்து 560-க்கும், பவுன் ரூ.68 ஆயிரத்து 480-க்கும் விற்பனையானது.அதனை தொடர்ந்து கடந்த 4 நாட்களாக தங்கம் விலை தொடர்ந்து சரிவை கண்டு நேற்று பவுனுக்கு ரூ.200 குறைந்து, ரூ.66,280க்கு விற்பனை செய்யப்பட்டது. கிராமுக்கு ரூ.25க்கு குறைந்து ரூ.8,285க்கு விற்பனையானது.இந்த நிலையில், 5 நாட்களுக்கு பிறகு தங்கம் விலை மீண்டும் உயர்ந்துள்ளது. அதன்படி, இன்று ஆபரண தங்கத்தின் விலை பவுனுக்கு ரூ.520 உயர்ந்து ஒரு பவுன் ரூ.66,320-க்கு விற்பனையாகிறது. கிராமுக்கு ரூ.65 உயர்ந்து ஒரு கிராம் ரூ.8,290-க்கு விற்பனை செய்யப்படுகிறது. வெள்ளி விலை எவ்வித மாற்றமும் இன்றி ஒரு கிராம் ரூ.102-க்கும், ஒரு கிலோ ரூ.1 லட்சத்து 2 ஆயிரத்துக்கு விற்பனை செய்யப்படுகிறது.