சிட்டியை சாய்த்த ஸ்போர்ட்டிங்

லிஸ்பன்: ஐரோப்பிய சாம்பியன்ஸ் லீக் காற்பந்துப் போட்டியில் இங்கிலாந்தின் மான்செஸ்டர் சிட்டியை 4-1 எனும் கோல் கணக்கில் வீழ்த்தியது போர்ச்சுகலின் ஸ்போட்டிங் சிபி (Sporting CP).இந்த ஆட்டத்தில் ஸ்போர்ட்டிங்கின் விக்டர் கியோகெரெஸ் (Viktor Gyokeres) மூன்று கோல்களைப் போட்டார். ஸ்போர்ட்டிங் நிர்வாகி ரூபன் அமோரிம், இன்னும் சில நாள்களில் சிட்டியின் பரம வைரியான மான்செஸ்டர் யுனைடெட்டின் நிர்வாகியாகப் பொறுப்பேற்கவுள்ளது குறிப்பிடத்தக்கது.ஆட்டம் தொடங்கி சிறிது நேரத்தில் ஃபில் ஃபோடன் சிட்டியை முன்னுக்கு அனுப்பினார். அதற்குப் பிறகு சிட்டி பல கோல் வாய்ப்புகளை நழுவவிட்டதை ஸ்போர்டிங் சாதகமாகப் பயன்படுத்திக்கொண்டது.இறுதியில் சிட்டியைத் திக்குமுக்காடச் செய்தது அக்குழு. காயமுற்றதால் பல விளையாட்டாளர்கள் இல்லாமல் விளையாடிவரும் சிட்டி, தொடர்ந்து மூன்று ஆட்டங்களில் தோல்வியடைந்துள்ளது.மற்ற சாம்பியன்ஸ் லீக் ஆட்டங்கள் சிலவற்றில் ஜெர்மனியின் பயர் லெவர்குசனை 4-0 எனும் கோல் கணக்கில் துவைத்தெடுத்தது லிவர்பூல், போட்டியின் நடப்பு வெற்றியாளரான ஸ்பெயினின் ரியால் மட்ரிட், இத்தாலியின் ஏசி மிலானிடம் 3-1 எனும் கோல் கணக்கில் தோல்வியடைந்தது.