லிவர்பூல்-ஆர்சனல் சமநிலை

லண்டன்: இங்கிலிஷ் பிரிமியர் லீக் காற்பந்துப் போட்டி ஆட்டத்தில் ஆர்சனலும் லிவர்பூலும் தரப்புக்கு இரண்டு கோல்கள் போட்டு சமநிலை கண்டன.இந்த ஆட்டம் அக்டோபர் 27ஆம் தேதியன்று ஆர்சனலின் எமிரேட்ஸ் விளையாட்டரங்கில் நடைபெற்றது.ஆர்சனலின் முதல் கோலை புக்காயோ சாக்கா போட்டார்.இதையடுத்து, லிவர்பூலின் வெர்ஜில் வேன் டாய்க் தலையால் முட்டிய பந்து வலையைத் தொட்டது.ஆனால் இடைவேளைக்கு முன்பு ஆர்சனல் கோல் போட்டு மீண்டும் முன்னிலை வகித்தது.இம்முறை மிக்கேல் மெரினோ கோல் போட்டார்.பிற்பாதி ஆட்டத்தில் லிவர்பூலுக்காக அதன் நட்சத்திர ஆட்டக்காரர் முகம்மது சாலா கோல் போட்டு ஆட்டத்தைச் சமன் செய்தார்.