டி.சி.எஸ்., சந்தை மதிப்புரூ.55 ஆயிரம் கோடி சரிவு

புதுடில்லி–டி.சி.எஸ்., எனும் ‘டாடா கன்சல்டன்சி சர்வீசஸ்’ நிறுவனத்தின் பங்குகள் விலை, நேற்று கிட்டத்தட்ட 5 சதவீதம் சரிவைக் கண்டதை அடுத்து, அதன் சந்தை மதிப்பில் 54 ஆயிரத்து 831 கோடி ரூபாய் இழப்பு ஏற்பட்டது.


நடப்பு நிதியாண்டின் முதல் காலாண்டில், டி.சி.எஸ்., நிறுவனம், சந்தை எதிர்பார்ப்புகளை பூர்த்தி செய்யாத காரணத்தால், வர்த்தகத்தின் துவக்கத்தில், அதன் சந்தை மதிப்பு 54 ஆயிரத்து, 831 கோடி ரூபாய் குறைந்து, 11.40 லட்சம் கோடி ரூபாயாக சரிந்தது.இந்நிறுவனத்தின் நிகர லாபம், நடப்பு நிதியாண்டின் முதல் காலாண்டில், 5.2 சதவீதம் அதிகரித்து, 9,478 கோடி ரூபாயாக இருந்தது.இருப்பினும், இதன் செயல்பாட்டு லாப வரம்பு குறைந்து, முதலீட்டாளர்களின் எதிர்பார்ப்பை பூர்த்தி செய்யாத காரணத்தால், சந்தையில் சரிவைக் காண நேரிட்டது. நேற்று வர்த்தகத்தின் முடிவில், மும்பை பங்குச் சந்தையில், டி.சி.எஸ்., நிறுவனத்தின் ஒரு பங்கின் விலை 4.64 சதவீதம் சரிந்து, 3,113.25 ரூபாயாக இருந்தது.