கனடாவில் காணாமல் போன பெண் சடலமாக மீட்பு! மகனே கொலை செய்திருக்கலாம்

கனடாவின் மேற்கு New Brunswick பகுதியில் நேற்று கண்டு பிடிக்கப்பட்ட சடலம் காணாமல் போனதாக கூறப்பட்ட Dorothy Tucker என்ற பெண் என அடையாளம் காணப்பட்டுள்ளது.

53 வயதான இந்த மாதுவை காணவில்லை என்று அவரின் உறவினர்கள் கடந்த புதன் கிழமை காவல்துறையினரிடம் முறையிட்டிருந்தனர்.

அதனைத் தொடர்ந்து தேடுதல் நடவடிக்கையில் ஈடுபட்டு வந்த காவல்த்துறையினர் மேற்கு New Brunswick இன் காட்டுப் பகுதியில் இருந்து நேற்று ஒரு சடலத்தை மீட்டிருந்ததுடன், அது காணாமல் போன Dorothy Tucker என்ற பெண்ணினது என்பது உறுதிசெய்யப்பட்டது.

அத்துடன் உயிரிழந்த பெண்ணின் மகனான 34 வயது Matthew Linus Tucker என்பவரைக் கைது செய்துள்ள காவல்த்துறையினர், அவர் மீது கொலைக் குற்றச்சாட்டு சுமத்தியுள்ளனர்.

அந்த குற்றச்சாட்டிற்காக இன்று அவர் St. Stephen மாகாண நீதிமன்றத்தில் முன்னிலைப்படுத்தப்பட்டார்.