வட அமெரிக்கத் தமிழ்ச் சங்கப் பேரவை சார்பில் "தமிழ் கூறும் தலைமுறை" பேச்சுப்போட்டி

வட அமெரிக்கத் தமிழ்ச் சங்கப் பேரவையின் (FeTNA) தமிழ் கூறும் தலைமுறை நிகழ்ச்சிக்காக இளந்தலைமுறையினரை இம்மாபெரும் போட்டியில் பங்கு பெற அன்புடன் வரவேற்கிறோம்.

வட அமெரிக்க அளவில் சிறந்து விளங்கும் தமிழ்ப் பேச்சாளர்களை உலக அரங்கின் முன்னிறுத்த வேண்டும் என்பதே இப்போட்டியின் தலையாய நோக்கம். இதற்காகத் 

தமிழ் கூறும் தலைமுறை சார்பாகத் தமிழகத்தின் முன்னணிப் பேச்சாளர்களைக் கொண்டு நடத்தப்பட்ட பல்வேறு பயிற்சிப் பட்டறைகளில் நம் மாணவர்களின் பேச்சுத்திறன் மெருகூட்டப்பட்டது.

கடந்த வருடம் பெற்ற வெற்றியின் உற்சாகம், இந்த வருடப் போட்டி மற்றும் பயிற்சிக்கான முன்னெடுப்புகளில் உங்கள் பேராதரவுடன் களம் இறங்குகிறோம்.

இவ்வருடம் இந்தப் போட்டிக்கான ஆரம்பச் சுற்றுகள் தமிழச் சங்க அளவிலோ அல்லது வட்டார அளவிலோ நடைபெறவில்லை. வயது வரம்பின் அடிப்படையில் வட அமெரிக்காவில் வசிப்பவர்கள் அனைவரும் நேரிடையாக எம் குழுவினர் நடத்தும் போட்டிகளில் பங்கு பெறலாம். 

போட்டியாளர்களின் பெயரைப் பதிவு செய்யக் கீழ்க்காணும் சுட்டியைப் பயன்படுத்தவும்.

Registration Link: http://tinyurl.com/Fetna-TKT-2024 

Junior: 

10 வயது நிரம்பியவர்கள் முதல் - 14 வயது நடப்பில் உள்ளவர் வரை (2024 ஜூலை 1 அன்று)

Senior: 

14 வயது நிரம்பியவர்கள் முதல் - 21 வயது நடப்பில் உள்ளவர் வரை (2024 ஜூலை 1 அன்று)

படிவத்தை அனுப்ப இறுதி நாள்: பிப்ரவரி மாதம் 29, 2024 11:59 PM PST (கூடிய விரைவில் அனுப்பவும்)

வட அமெரிக்கத் தமிழ் உறவுகளின் ஆதரவுடன் நம் வெற்றிப் பயணம் அமெரிக்க மண்ணில் தொடரட்டும்.

எங்கள் வாழ்வும் எங்கள் வளமும் மங்காத தமிழ் என்று சங்கே முழங்கு !

அன்புடன்,

பேரவை தமிழ் கூறும் தலைமுறை அணியினர்