3 வாராந்திர சிறப்பு ரெயில்களின் கால அளவு நீட்டிப்பு: தெற்கு ரெயில்வே

சென்னை, கோடை காலம் தொடங்கியதையொட்டி, கூட்ட நெரிசலை தவிர்க்க 3 வாராந்திர சிறப்பு ரெயில்களின் கால அளவு மேலும் 4 வாரத்திற்கு நீட்டிக்கப்பட்டுள்ளது. இது தொடர்பாக தெற்கு ரெயில்வே வெளியிட்டுள்ள அறிவிப்பில் கூறப்பட்டுள்ளதாவது:- நாகர்கோவில் - தாம்பரம் இடையே வாரந்தோறும் ஞாயிற்றுக்கிழமைகளில் இயக்கப்படும் சிறப்பு ரெயில் (வண்டி எண் 06012) மே 11-ந் தேதி முதல் ஜூன் 1-ந் தேதி வரை கூடுதலாக 4 வாரம் இயக்கப்படும். இதேபோல், மறுமார்க்கத்தில் தாம்பரம் - நாகர்கோவில் இடையே வாரந்தோறும் திங்கட்கிழமை இயக்கப்படும் சிறப்பு ரெயில் (06011) மே 12-ந் தேதி முதல் ஜூன் 2-ந் தேதி வரை மேலும் 4 வாரத்திற்கு நீட்டிக்கப்படுகிறது. இதேபோல், தாம்பரம் - திருவனந்தபுரம் வடக்கு இடையே வெள்ளிக்கிழமைதோறும் இயக்கப்படும் சிறப்பு ரெயில் (06035) மே 9-ந் தேதி முதல் 30-ந் தேதி வரை மேலும் 4 வாரத்திற்கு நீட்டிக்கப்படுகிறது. இதேபோல், திருவனந்தபுரம் வடக்கு-தாம்பரம் இடையே வாரந்தோறும் ஞாயிற்றுக்கிழமைகளில் இயக்கப்படும் சிறப்பு ரெயில் (06036) மே 11-ந் தேதி முதல் ஜூன் 1-ந் தேதி வரை மேலும் 4 வாரத்திற்கு நீட்டிக்கப்படுகிறது. மேலும், திருநெல்வேலி - மேட்டுப்பாளையம் இடையே வாரந்தோறும் ஞாயிற்றுக்கிழமைகளில் இயக்கப்படும் சிறப்பு ரெயில் (06030) மே 11-ந் தேதி முதல் ஜூன் 1-ந் தேதி வரை மேலும் 4 வாரத்திற்கு நீட்டிக்கப்படுகிறது. மறுமார்க்கத்தில், மேட்டுப்பாளையம் - திருநெல்வேலி இடையே திங்கட்கிழமைகளில் இயக்கப்படும் சிறப்பு ரெயில் (06029) மே 12-ந் தேதி முதல் ஜூன் 2-ந் தேதி வரை மேலும் 4 வாரம் நீட்டிக்கப்படுகிறது. இவ்வாறு அதில் கூறப்பட்டுள்ளது.