2-வது நாளாக குறைந்த தங்கம் விலை... இன்றைய நிலவரம் என்ன?

சென்னை,தங்கம் விலை தாறுமாறாக உயர்ந்து வருகிறது. அதிலும் கடந்த மாதத்தில் (மார்ச்) இருந்து பெரும்பாலான நாட்கள் விலை ஏற்றத்திலேயே காணப்படுகிறது. அதன் தொடர்ச்சியாக கடந்த ஒரு வாரமாக தங்கம் விலை ஏறுமுகத்திலேயே இருக்கிறது. கடந்த மாதம் 25-ந் தேதி வரை விலை குறைந்து கொண்டே வந்த நிலையில், 26-ந் தேதியில் இருந்து கிடுகிடுவென விலை உயரத் தொடங்கியது. நேற்று முன் தினம் வரை விலை அதிகரித்த வண்ணம் இருந்த நிலையில், நேற்று அதிரடியாக சவரனுக்கு ரூ.1,280 குறைந்து விற்பனையானது.இந்த நிலையில், தங்கம் விலை, 2-வது நாளாக சரிவை சந்தித்துள்ளது. அதன்படி,சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.720 குறைந்து ரூ.66,480 விற்பனையாகி வருகிறது. ஒரு கிராம் ரூ.90 குறைந்து ரூ.8,310-க்கு விற்பனை செய்யப்பட்டு வருகிறது. அதேபோல, வெள்ளியின் விலையும் சரிவை சந்தித்துள்ளது. இன்று ஒரு கிராமுக்கு ரூ.5 குறைந்து ரூ.103-க்கும், ஒரு கிலோ ரூ.1 லட்சத்து 03 ஆயிரத்துக்கும் விற்பனை செய்யப்பட்டு வருகிறது.