'டோர்னியர்' கண்காணிப்பு விமானம் இலங்கைக்கு பரிசு: சீனாவுக்கு சிக்கல்

கொழும்பு :இருநாட்டு ராணுவ நல்லுறவை வலுப்படுத்தும் நோக்கத்தில், இலங்கை கடற்படையிடம், 'டோர்னியர்' கண்காணிப்பு விமானத்தை, இந்தியா நேற்று ஒப்படைத்தது.இந்தியா - இலங்கை இடையிலான ராணுவ நல்லுறவு ஒப்பந்தத்தின்படி, அந்நாட்டுக்கு தேவையான ராணுவ உபகரணங்கள், பயிற்சிகளை இந்தியா அளித்து வருகிறது. இதன் ஒரு பகுதியாக, கடற்பகுதிகளை கண்காணிக்கும், 'டோர்னியர் 228' என்ற கண்காணிப்பு விமானத்தை இலங்கைக்கு அளிக்க, இந்தியா உறுதி அளித்து இருந்தது.
அதன்படி, கண்காணிப்பு விமானம் இலங்கை கடற்படையிடம் நேற்று ஒப்படைக்கப்பட்டது.

கொழும்பு நகரின் காட்டுநாயகே என்ற இடத்தில் உள்ள இலங்கை விமானப்படை தளத்தில் நடந்த நிகழ்ச்சியில், கண்காணிப்பு விமானம் ஒப்படைக்கப்பட்டது.நம் விமானப் படையின் துணை தளபதி எஸ்.என்.கோர்மாடே, இலங்கைக்கான இந்திய துாதர் கோபால் பாக்லே ஆகியோர் விமானத்தை ஒப்படைத்தனர். இலங்கை அதிபர் ரணில் விக்ரமசிங்கே நிகழ்ச்சியில் பங்கேற்றார்.இலங்கைக்கான இந்திய துாதர் கோபால் பாக்லே கூறியதாவது:பரஸ்பர புரிதல், நம்பிக்கை மற்றும் ஒத்துழைப்பால், இந்தியா - இலங்கை இடையிலான பாதுகாப்பு மேம்படுத்தப்பட்டுள்ளது. இதன் ஒரு பகுதியாக, டோர்னியர் விமானம் பரிசாக அளிக்கப்பட்டுள்ளது. தங்கள் நட்பு நாட்டுக்கு பலம் சேர்ப்பதை, தங்களுக்கான பலமாக இந்தியா கருதுகிறது என்பதற்கு, இந்த பரிசு மிக சிறந்த உதாரணம்.
இவ்வாறு அவர் கூறினார்.சீனாவின் உளவு கப்பலான, 'யுவாங் வாங் 5' இலங்கையின் அம்பன்தோட்டா துறைமுகத்துக்கு இன்று வரவுள்ள நேரத்தில், இலங்கை கடற்படைக்கான கண்காணிப்பு விமானத்தை இந்தியா அளித்துள்ளது குறிப்பிடத்தக்கது.

****************

கொழும்பு :இருநாட்டு ராணுவ நல்லுறவை வலுப்படுத்தும் நோக்கத்தில், இலங்கை கடற்படையிடம், 'டோர்னியர்' கண்காணிப்பு விமானத்தை, இந்தியா நேற்று ஒப்படைத்தது.இந்தியா - இலங்கை இடையிலான ராணுவ

சமரசத்துக்கு இடமளிக்காமல்... அதிகாரத்துக்கு அடிபணியாமல்... நேர்மையான முறையில் துணிச்சலான செய்திகளை மக்களிடம் கொண்டு சேர்க்கும் இணையத்தள செய்தி ஊடகங்களுக்கு, விளம்பர வருவாயே உயிர்நாடி. அதுவே, நீங்கள் விரும்பி வா(நே)சிக்கும் தினமலர், இணையதளத்துக்கும்...

ஆகவே அன்பிற்கினிய வாசகர்களே,‘ஆட்பிளாக்கர்’ உபயோகிப்பதை தவிர்த்து, துணிச்சலான ஊடகத்தின் நேர்மைக்கு தோள் கொடுங்கள். உங்கள் பார்வைக்கு இடையூறாக வரக்கூடிய விளம்பரத்தை மட்டும், ’ஸ்கிரீன் ஷாட்’ எடுத்து எங்களுக்கு அனுப்புங்கள். உங்களின் சிரமத்துக்கு தீர்வு காணுகிறோம்.

நன்றி. தினமலர்

For technical contact : [email protected]

இங்கு வெளியாகும் விளம்பரங்கள், வாசகர்களுக்கு பயனளிக்கும் என்பதாலேயே சேர்க்கப்படுகின்றன. Ad blocker போடுவதன் மூலம், பயனுள்ள பல தகவல்களை நீங்கள் தவறவிடவும் வாய்ப்புண்டு. Ad blocker ஐ தவிருங்கள்.

You’ll usually find this icon in the upper right-hand corner of your screen. You may have more than one ad blocker installed.

You may have to select a menu option or click a button.