வீல் சேரில் வந்து விழாவில் கலந்து கொண்ட நித்யா மேனன்

தமிழ் சினிமாவில் நடக்கும் பெரும்பாலான இசை வெளியீடுகள், பத்திரிகையாளர் சந்திப்புகள் ஆகியவற்றில் முன்னணி நடிகைகள் கலந்து கொள்ளவே மாட்டார்கள். அவர்களைப் பற்றி பல முறை பல தயாரிப்பாளர்கள், விழாவில் கலந்து கொள்ளும் பிரபலங்கள் கண்டித்தாலும் அதை அவர்கள் கண்டு கொள்வதும் இல்லை.

நேற்று ஐதராபாத்தில் நடந்த 'மாடர்ன் லவ் ஐதராபாத்' இணையத் தொடர் டிரைலர் வெளியீட்டு விழாவில் நடிகை நித்யா மேனன் வீல் சேரில் வந்து கலந்து கொண்டிருக்கிறார். வீட்டு படியில் ஸ்லிப் ஆகி விழுந்து காலில் அடிபட்டுள்ளதாக பேசும் போது அவர் தெரிவித்தார். வீல் சேரில் வந்து கையில் ஊன்று கோலுடன் மேடைக்கு ஏறி அவர் நிகழ்ச்சியில் கலந்து கொண்டார்.

இணையத் தொடருக்காக நித்யா மேனன் அப்படி வந்து கலந்து கொண்டது அத்தொடரின் குழுவினர் நெகிழ்ச்சியுடன் குறிப்பிட்டனர். இப்படியும் நடிகைகள் சினிமாவில் இருக்கத்தான் செய்கிறார்கள். ஆனால், தமிழில் விழா என்றால் வரவே மாட்டேன் என அடம் பிடிக்கும் நடிகைகளும் இருக்கிறார்கள்.