'தேசத்தின் தந்தை மோகன் பாகவத்': இமாம் அமைப்பின் தலைவர் புகழாரம்

தினமலர்  தினமலர்
தேசத்தின் தந்தை மோகன் பாகவத்: இமாம் அமைப்பின் தலைவர் புகழாரம்

வாசிக்க நேரம் இல்லையா? செய்தியைக் கேளுங்கள்

புதுடில்லி: ஆர்.எஸ்.எஸ்., தலைவர் மோகன் பாகவத் நேற்று புதுடில்லியில் அகில இந்திய இமாம் அமைப்பின் தலைவரை சந்தித்து பேசியதுடன், இங்குள்ள மதரசாவுக்கு சென்று மாணவர்களுடன் கலந்துரையாடினார். அப்போது, மோகன் பாகவத்தை, 'தேசத்தின் தந்தை' என இமாம் அமைப்பின் தலைவர் பாராட்டினார்.

ஆர்.எஸ்.எஸ்., தலைவர் மோகன் பாகவத், முஸ்லிம் சமூகத்தினருடன் நல்லிணக்கத்தை ஏற்படுத்தும் நடவடிக்கைகளை மேற்கொண்டு வருகிறார். இது தொடர்பாக ஏற்கனவே முஸ்லிம் அறிஞர்கள், கல்வியாளர்கள் பலரை சந்தித்து பேசி உள்ளார்.

இதன் ஒரு பகுதியாக, புதுடில்லியில் உள்ள அகில இந்திய இமாம் அமைப்பின் தலைவர் உமர் அகமது இலியாசியை, புதுடில்லி கஸ்துாரிபா காந்தி மார்க்கில் உள்ள மசூதிக்கு நேற்று சென்று சந்தித்து பேசினார். இந்த சந்திப்பு ஒரு மணி நேரம் நடந்தது. பின், வடக்கு டில்லியில் ஆசாத்பூர் என்ற இடத்தில் உள்ள முஸ்லிம் மதக் கல்வியை போதிக்கும் மதரசாவுக்கும் மோகன் பாகவத் நேற்று சென்றார். அங்கிருந்த மாணவர்களுடன் அவர் கலந்துரையாடினார்.



இது குறித்து, ஆர்.எஸ்.எஸ்., நிர்வாகி ஒருவர் கூறியதாவது: மதரசாவில் மாணவர்களுடன் கலந்துரையாடிய போது மோகன் பாகவத்தை, 'ராஷ்ட்ர பிதா' என குறிப்பிட்டு, தேசத்தின் தந்தை என இமாம் பாராட்டினார். இதை ஏற்க மறுத்த பாகவத், 'தேசத்தின் தந்தை ஒருவரே. நாம் அனைவரும் இந்த தேசத்தின் குழந்தைகள்' என்றார்.

'நம் நாட்டின் பெருமைகளை பற்றி தெரிந்து கொள்ள வேண்டும். நம் வழிபாட்டு முறைகள் வேறாக இருந்தாலும், அனைத்து மதத்தினரையும் மதிக்க வேண்டும்' என மாணவர்களிடம் மோகன் பாகவத் தெரிவித்தார். மோகன் பாகவத், மதரசாவுக்கு செல்வது இதுவே முதல் முறை. இவ்வாறு அவர் கூறினார்.

இது குறித்து, அகில இந்திய இமாம் அமைப்பின் தலைவர் உமர் அகமது இலியாசி கூறியதாவது: மோகன் பாகவத், ராஷ்ட்ர பிதா. நம் நாட்டை பலப்படுத்துவதற்கும், சமூக நல்லிணக்கத்தை ஏற்படுத்துவதற்கும் இருவரும் பல விஷயங்களை பேசினோம். என் அழைப்பை ஏற்று மதரசாவுக்கும், மசூதிக்கும் வந்தார். இந்த வருகையின் வாயிலாக, நாட்டை பலப்படுத்த அனைவரும் கடுமையாக உழைக்க வேண்டும் என்ற செய்தியை அவர் தெரியப்படுத்தி உள்ளார். நம் அனைவருக்கும் நாடு தான் முதன்மையானது. மதமும், வழிபாட்டு முறையும் வெவ்வேறாக இருந்தாலும், நாம் அனைவருக்கும் ஒரே மரபணு தான். இவ்வாறு அவர் கூறினார்.

இந்த சந்திப்பின் போது ஆர்.எஸ்.எஸ்., தலைவருடன், அந்த அமைப்பைச் சேர்ந்த நிர்வாகிகள் கிருஷ்ண கோபால், ராம் லால், இந்திரேஷ் குமார் ஆகியோர் உடன் இருந்தனர்.

புதுடில்லி: ஆர்.எஸ்.எஸ்., தலைவர் மோகன் பாகவத் நேற்று புதுடில்லியில் அகில இந்திய இமாம் அமைப்பின் தலைவரை சந்தித்து பேசியதுடன், இங்குள்ள மதரசாவுக்கு சென்று மாணவர்களுடன் கலந்துரையாடினார்.

சமரசத்துக்கு இடமளிக்காமல்... அதிகாரத்துக்கு அடிபணியாமல்... நேர்மையான முறையில் துணிச்சலான செய்திகளை மக்களிடம் கொண்டு சேர்க்கும் இணையத்தள செய்தி ஊடகங்களுக்கு, விளம்பர வருவாயே உயிர்நாடி. அதுவே, நீங்கள் விரும்பி வா(நே)சிக்கும் தினமலர், இணையதளத்துக்கும்...

ஆகவே அன்பிற்கினிய வாசகர்களே,‘ஆட்பிளாக்கர்’ உபயோகிப்பதை தவிர்த்து, துணிச்சலான ஊடகத்தின் நேர்மைக்கு தோள் கொடுங்கள். உங்கள் பார்வைக்கு இடையூறாக வரக்கூடிய விளம்பரத்தை மட்டும், ’ஸ்கிரீன் ஷாட்’ எடுத்து எங்களுக்கு அனுப்புங்கள். உங்களின் சிரமத்துக்கு தீர்வு காணுகிறோம்.

நன்றி. தினமலர்

இங்கு வெளியாகும் விளம்பரங்கள், வாசகர்களுக்கு பயனளிக்கும் என்பதாலேயே சேர்க்கப்படுகின்றன. Ad blocker போடுவதன் மூலம், பயனுள்ள பல தகவல்களை நீங்கள் தவறவிடவும் வாய்ப்புண்டு. Ad blocker ஐ தவிருங்கள்.

You’ll usually find this icon in the upper right-hand corner of your screen. You may have more than one ad blocker installed.

You may have to select a menu option or click a button.

மூலக்கதை