சில்லரை விற்பனை 75 சதவீதம் சரிவு

புதுடில்லி:ஊரடங்குகள் காரண மாக, மே மாதத்தில் சில்லரை விற்பனை, கொரோனாவுக்கு முந்தைய காலத்துடன் ஒப்பிடும்போது, 75 சதவீதம் சரிந்துள்ளதாக, ‘இந்திய சில்லரை விற்பனையாளர்கள் சங்க’மான ஆர்.ஏ.ஐ., தெரிவித்துள்ளது.

நாட்டின் மேற்கு மற்றும் வடக்கு பகுதிகளில் 83 சதவீதமும்; கிழக்கு பகுதி களில், 75 சதவீதமும்; தெற்கு பகுதிகளில், 73 சதவீதமும் சரிவு ஏற்பட்டு உள்ளது.நாட்டின் ஒட்டுமொத்த சில்லரை விற்பனை, 2019ம் ஆண்டு ஏப்ரல் மாதத்துடன் ஒப்பிடும்போது, 49 சதவீதம் சரிவை கண்டிருக்கிறது.

கடந்த 2019 ஏப்ரலுடன் ஒப்பிடும்போது, மதிப்பீட்டு மாதத்தில், அழகு சாதன பொருட்கள் உள்ளிட்ட தனிநபர் பராமரிப்பு பொருட்கள் விற்பனை, 87 சதவீதமும்; காலணிகள் விற்பனை, 86 சதவீதமும் சரிவை கண்டுள்ளன.ஊரடங்குகள் தளர்ந்து வரும் நிலையில், வரும் மாதங்களில் விற்பனை அதிகரிக்கும் என, சில்லரை விற்பனையாளர்கள் சங்கம் தெரிவித்துள்ளது.